Jose Maria Gorordo

Jose Maria Gorordo Bilbao (Plentzia, Bizkaia, 1947) politikari jeltzalea da, Bilboko alkatea izana (1987-1990). Bilboko Athletic Klubeko presidente izateko hautagaia ere izan zen, 1994ean.

Jose Maria Gorordo
Bilboko alkatea 1987ko uztailaren 20a - 1990eko abenduaren 17a ← Jose Luis Robles - Jesús María Duñabeitia →
Bizitza
Jaiotza	Plentzia, 1947 (77/78 urte)
Herrialdea	Bizkaia, Euskal Herria
Hezkuntza
Heziketa	Deustuko Unibertsitatea Euskal Herriko Unibertsitatea
Hizkuntzak	gaztelania
Jarduerak
Jarduerak	politikaria
Enplegatzailea(k)	Deustuko Unibertsitatea
Sinesmenak eta ideologia
Alderdi politikoa	Eusko Alderdi Jeltzalea Euskal Hiritarren Egitekoak

Bizitza

Ekonomia eta zuzenbide ikasketak egin zituen Deustuko unibertsitatean eta, 1977an Bilboko Merkataritza eta Industria Ganberako idazkaritzan hasi zen lanean. Euzko Alderdi Jeltzaleko kide zela, Euskal Irrati Telebistako (EITB) zuzendari nagusi izendatu zuten 1985ean eta haren ardurapean ETB2 zabaldu zen, Euskal Telebistako bigarren katea, gaztelaniaz, (1986). Bere karrera politikoaren lehenengo urratsak EAJren baitan egin ondoren, alderdi horretako kide zela iritsi zen Bilboko alkate izatera 1987an eta lehenagotik EITBko buru ere izan zen, besteak beste, jeltzaleek izendatuta 1990ean EAJrekin zuen harremana bertan behera geratu zen.

EAJko kide izan arren, 1993. urtean ICV-EHE izeneko alderdi politikoa sortu zuen; 1995 eta 1999ko hauteskundeetara aurkeztu zen, eta bost eta bi zinegotzi lortu, hurrenez hurren. Alderdi horrek ez zeukan ideologia garbirik, eta EAJtik hurbil bazegoen ere, iritzi ezberdineko pertsonen botoak eskuratu zituen, alkateak udalaren kudeaketa ona egin izanaren fama zeukalako. Politika orokorrari dagokionez, Lizarra-Garaziko Hitzarmenaren sinatzaileetakoa izan zen Gorordoren ICV. 2000. urtearen hasieran, azkenik, gobernu akordioa hitzartu zuen EAJ eta EArekin Bilboko Udalean.

Alkate izan aurretik Deia egunkariaren zuzendari izan zen eta baita EITBko buru ere. Herri Kontuen Euskal Epaitegiko kide izendatu zutenean, zinegotzi karguari uko egin zion. Gorordo Bilbo Euskal Autonomi Erkidegoko hiriburu ezartzearen alde azaldu izan da beti.

Ikus, gainera

• Bilboko alkateen zerrenda

Aurrekoa Jose Luis Robles Kanibe	Bilboko alkatea 1987-1990	Ondorengoa Jesús María Duñabeitia
Aurrekoa Andoni Arizaga	EITBko zuzendaria 1985 – 1987	Ondorengoa Josu Ortuondo