Karakate

Karakate, Muneta edo Kortazar Gipuzkoako ipar-mendebaldean kokatuta dagoen mendia da. Soraluze eta Elgoibar artean dagoen arren, Elgoibarri lotzen zaio gehien bat^{[erreferentzia behar]}; oinez igotzeko, gainera, bertatik dago bidea. Karakatek, 749 metroko garaiera du eta Mazelaegiko Kordalaren hasiera da. Bertatik Elosuraino doan mendi-gain nahiko laua dago eta han eremu megalitiko bat dago. Karakaten, antena bat dago eta inguruko mendiak ezagutzeko balio duen mapa bat. Karakate Kortazarko Haitzak izenarekin ere bada ezaguna. Arkeologiaren ikuspuntutik elementu garrantzitsuak ditu.

Karakate
Datu orokorrak
Garaiera	749 m
Prominentzia	17 m
Mota	mendia
Geografia
Koordenatuak	43°11′33″N 2°24′53″W
Mendikatea	Irukurutzetako mendilerroa
Herrialdea	Euskal Herria
Probintzia	Gipuzkoa
Mendizaletasuna
Ohiko bidea	Soraluzetik

Brontze Aroko aztarnak

Aztarna megalitiko asko ikus daiteke Karakaten, Brontze Arokoak batez ere, Elosua-Plazentziako Estazio Megalitikoa, alegia. Guztira 16 dira ezagutzen direnak, Jose Miguel Barandiarannek 1921 eta 1922 artean ikertuak: 10 tumulu, menhir bat eta 5 trikuharri. Datazioaren ikuspuntutik K.a. 3000 eta 900 urte artekoak dira.^[1]

Erromatar kanpamentua

Karakate mendiaren goiko aldean erromatar kanpamentu baten aztarnak aurkitu zituen, Antxoka Martínez arkeologoak, 2016an. Kanpamentu txikia izango zen, defentsarako lerro bakar batekin; lerro hori lurrez egina dago eta horrek erromatarra dela erakusten du. Kanpamentutik Deba Harana kontrolatzen zuten^[2][3].

Argazkiak

• 
  Elgoibarretik
• 
  Zerutik, mendebaldetik