Horatio Herbert Kitchener

Horatio Herbert Kitchener, geroago Kitchenerreko 1. kondea (Ballylongford, Irlanda, 1850eko ekainaren 24a - itsasoan, Orkada uharteetan, 1916ko ekainaren 5a) ingeles militar eta politikaria izan zen.

Horatio Herbert Kitchener
Irudi gehiago
Gerrarako Estatu Idazkari 1914ko abuztuaren 5a - 1916ko ekainaren 5a ← Herbert Henry Asquith - David Lloyd George → Erresuma Batuko Kontseilu Pribatuko kidea Lorden Ganberako kidea ezezaguna enbaxadore
Bizitza
Jaiotzako izen-deiturak	Horatio Herbert Kitchener
Jaiotza	Ballylongford, 1850eko ekainaren 24a
Herrialdea	Britainia Handia eta Irlandako Erresuma Batua
Heriotza	Ipar itsasoa, 1916ko ekainaren 5a (65 urte)
Heriotza modua	istripuzko heriotza: guduan hila
Familia
Aita	Henry Horatio Kitchener
Ama	Frances Anne Chevallier
Ezkontidea(k)	ezkongabea
Haurrideak	ikusi Frances Emily Jane Kitchener (en) Walter Kitchener (en)
Hezkuntza
Heziketa	Royal Military Academy, Woolwich (en) 1870eko abendua)
Hizkuntzak	arabiera frantsesa ingelesa
Jarduerak
Jarduerak	politikaria, diplomazialaria, ingeniaria, ofizierra, director of land survey (en) eta army officer (en)
Lantokia(k)	Khartum Londres eta Zipre
Lan nabarmenak	ikusi A trigonometrical survey of the island of Cyprus (en)
Jasotako sariak	ikusi Ohorezko Legioko zalduna Knight Grand Cross of the Order of the Bath Knight Grand Cross of the Order of St Michael and St George Galtzariaren Ordena Livingstone Medal Knight of St. Patrick Knight Grand Commander of the Order of the Star of India Knight Grand Commander of the Order of the Indian Empire
Zerbitzu militarra
Adar militarra	Britainia Handiko Armada
Gradua	field marshal jeneral
Parte hartutako gatazkak	Frantzia-Prusia Gerra Mahditar Gerra Battle of Ferkeh (en) Battle of Atbara (en) Battle of Omdurman (en) Bigarren Boer Gerra Battle of Paardeberg (en) Lehen Mundu Gerra
Sinesmenak eta ideologia
Erlijioa	anglikanismoa

Biografia

Egipton, ingelesek eta egiptoarrek Sudanen zuten aginpidea al-Madhi-ren kontra berriro finkatu zuen, Omdurmango gudua (1898) irabazi eta Khartum konkistaturik. Hegoafrikako (1900-1902) gerra hasi zenean, lord Robertsen lekua hartu zuen armadaren buruzagitzan. Oso jokaera gogorra izan zuen. Geroztik Indian erregeorde eta gero berriro Egipton egon zen. Lehen Mundu Gerra hasi zenean, Gerrako ministro izendatu zuten (1914). Britainia Handiko armadak berritik antolatu zituen.

London Opinion aldizkariaren azaleko Lehen Mundu Gerrako errekrutatze-kartelaren erreprodukzio modernoa.

Mendebaldeko Palestinari buruzko ikerketa

1874an, 24 urte zituela, Palestine Exploration Fund-ek (Palestinako Esplorazio Funtsak) "Lur Santuari" buruzko ikerketa lan bat esleitu zion Kitchenerri, Ordurako Kitchenerrek, errege Ingeniaritzako ofiziala zelarik, Claude R. Conder ofizialarekin lankide gisa bat egin zuen; 1874 eta 1877 artean Palestina miatu eta dokumentatu zuten, eta Ingalaterrara itzuli zen, 1875ean^[1].

Conder eta Kitchener espedizioak "Mendebaldeko Palestinako Inkesta" izena hartu zuen, neurri handi batean Jordan ibaiaren mendebaldean zegoelako. Ikerketak inguruko topografiari eta toponimiari buruzko datuak bildu zituen, baita bertako flora eta faunari buruzkoak ere.

Inkestaren emaitzak 8 liburukitan argitaratu ziren, eta Kitchenerrek lehen hiru liburukietan egin zuen ekarpena (Conder eta Kitchener 1881–1885). Inkesta horrek eragin iraunkorra izan du Ekialde Ertainean, hainbat arrazoirengatik:

Betetik, Israelgo eta Palestinako mapa modernoetan erabiltzen den sare-sistemaren oinarria da. Bestalde, Conderrek eta Kitchenerrek bildutako datuak Ekialde Hurbileko hegoaldean lan egiten duten arkeologoek eta geografoek kontsultatzen jarraitzen dute. Azkenik, inkestak berak delineatu eta definitu zituen Sortaldeko hegoaldeko muga politikoak. Adibidez, Israelen eta Libanoaren arteko muga modernoa Galileako goiko aldean ezarri zen, Conderren eta Kitchener-en inkesta geratu zen lekuan.

1878an, Mendebaldeko Palestinari buruzko ikerketa osatu ondoren, Kitchener Ziprera bidali zuten, erosi berri zuen britainiar babesletza horri buruzko inkesta bat egiteko. Anatoliako kontsul bihurtu zen 1879an.