Martin Glaessner

Martin Glaessner
Bizitza
Jaiotza	Ústí nad Labem, 1906ko abenduaren 25a
Herrialdea	Austria Australia
Heriotza	Melbourne, 1989ko azaroaren 23a (82 urte)
Familia
Aita	Arthur Glaessner
Hezkuntza
Heziketa	Vienako Unibertsitatea
Jarduerak
Jarduerak	paleontologoa, unibertsitateko irakaslea, carcinologist ^(en) eta geologoa
Enplegatzailea(k)	Adelaideko Unibertsitatea Moskuko Estatu Unibertsitatea Vienako Unibertsitatea Russian State Geological Prospecting University ^(en)
Jasotako sariak	ikusi Lyell domina (1974) Charles Doolittle Walcott Medal (1982) Fellow of the Australian Academy of Science (1957) Member of the Order of Australia (1985eko urtarrilaren 26a) Eduard Suess medal (1985)
Kidetza	Alemaniako Natur Zientzien Leopoldina Akademia Paläontologische Gesellschaft ^(en) Australian Academy of Science ^(en)

Biografia

Hastapenak

Martin Glaessner Austria-Hungariako Inperioko Aussig izeneko herrian jaio zen. Gaur egun Txekiar Errepublikan kokaturik dago eta Ústí nad Labem izena du. Aita Arthur Glaessner ingeniari kimikoa zen, zeramika, beira eta farmakologia industrietan aditua eta Vienako zientzia komunitatean oso ezaguna^[2]. Vienako Historia Naturaleko Museoko ikertzailea izan zen 1923 eta 1932 artean^[3] eta 1929 urtean Zuzenbide doktoretza atera zuen Vienako Unibertsitatean. 1931 urtean Geologia eta Paleontologian doktoratu zen. 1930 eta 1931 artean Londresko Historia Naturalaren Museoan ikertzaile lanak egin zituen^[1].

Errusian

Mikropaleontologiak ikerketa geologikoetan zuen garrantziaz ohartuta 1932 urtean Moskura joan zen eta Petrolioa aurkitzeko Estatu Institutuan hasi zen lanean^[1]. 1934 eta 1937 artean Errusiako Zientzia Akademiaren barnean Erregai Mineralen Institutuko Ikerketa burua izan zen eta 1936an Moskuko Unibertsitatean irakasle gisa egin zuen lan. 1936an Tina Tupikinarekin ezkondu zen eta 1937an Vienara itzuli zen. Arbaso juduak zituenez 1938ko martxoaren 19an atxilotu egin zuten baina aske utzi zuten^[1].

Australian

Londresko petrolio konpainia anglo-irandarrean hasi zen lanean (gaur egun British Petroleum) eta Port Moresbyra bidali zuten, gaur egun Papua Ginea Berria bada ere garai hartan Australiaren menpeko lurraldea zen. 1942 urtean ebakuatu egin zuten Bigarren Mundu Gerra zela eta, orduan Melbournera joan zen^[1]. Hurrengo hiru urtetan Australiar armadarentzako Papuako mapa geologikoak prestatu zituen. 1945 urtean Principles of Micropalaeontology liburua argitaratu zuen eta erreferentziazko liburua bihurtu zen hurrengo hamarkadetan^[1]. Ordutik aurrera Adelaidako Unibertsitateko Geologia eta paleontologia katedrarekin hainbat lanpostu bete zituen. 1950. hamarkadan Ediacararreko biota aztertzen hasi zen, taxonomia ezarriz eta paleobiologia eta estratigrafia eremuetan oinarrizko ekarpenak eginez^[1]. Reg Sprigg-ek marmoken arbasoak zirela uste zituenak berraztertu zituen eta taxoi berriak sortu zituen^[2]. Ediacararra garai geologikoaren mugak zehazten ere lagundu zuen, hasiera aurreneko animalia zelulanitzen agerpenean finkatuz. 1971 urtean erretiratu zen.

Sariak

1982 urtean Estatu Batuetako Geologia Elkarteko Lyell domina eta Amerikako Zientzia Akademiaren Walcott domina jaso zituen^[4]. 1985 urtean Australiako Ordenaren domina jaso zuen, australiarrentzako sari gorena^[5].

Remove ads

Argitaraturiko lanak

Über eine neue miozäne Krabbe und die Brachyurenfauna des Wiener Beckens (1924)
Neue Emydenfunde aus dem Wiener Becken und die fossilen Clemmys-Arten des Mittelmeergebietes (1925)
Neue Untersuchungen über die Grunder Schichten bei Korneuburg (1926)
Die Dekapodenfauna des österreichischen Jungtertiärs (1928)
Crustacea Decapoda (1930)
Principles of Micropalaeontology (1945)
Field Guide to the Study of Larger Foraminifera
Time-stratigraphy and the Miocene Epoch
Stratigraphic nomenclature in Australia
Three foraminiferal zones in the Tertiary of Australia
The Dawn of Animal Life (1984)