Matroska

Matroska edukiontzi formatu ireki estandar multzo bat da, (.mkv, .mka, .mks eta .mk3d luzapena duten fitxategien formatua da). fitxategi informatiko bat da, nahi beste bideo, irudi, audio edo azpitituluen pista sartzeko aukera ematen duen fitxategia.

Matroska
Jatorria
Argitaratze-data	2002
Azken bertsioa	03
Ezaugarriak
Programazio-lengoaia	C++
Media mota	application/x-matroska
Egile-eskubideak	copyrightduna
Lizentzia	GNU Lesser General Public License, version 2.1 (en)
Deskribapena
Oinarritua	Extensible Binary Meta Language
Fikzioa
Erabiltzen du	Extensible Binary Meta Language
matroska.org
Iturri-kodea	https://github.com/ietf-wg-cellar/matroska-specification

Mkvren helburua, formatu unibertsal bezala eduki audiobisual eta multimedien memoriarako zerbitzua ematea da. Alegia filmak, telebistako programak, bideo-jokoak, irudiak eta testuak gordetzeko. ^[1]

Audio, bideo eta azpitituluak pakete berdin batean biltzen dituen edukiontzi honek, fitxategia prozesamendu potentzia nahikoarekin, edozein gailutan erreproduzitzeko aukera ematen du.

Matroska deitura "matrioxka" kontzeptutik dator. Matrioxka edo errusiar panpina, bata bestearen barnean sarturik doazen panpinen multzoa da.^[2]

AVI, MP4 eta ASF edukiontzien antzeko ezaugarriak dituen software librea da, baina aipatutakoak ez bezala, iturri guztiz askea da. Ez da formatu jabeduna, eta beraz, ez du copyrightik ordaintzen, eta ez dago copyrighten mugen menpe.

• Matroska motako fitxategiak; .MKV dira bideoetarako, .MKA audio fitxategietarako, .MKS azpitituluetarako eta .MK3D 3D bideo estereoskopikoetarako.

Ezaugarriak

Honako hauek dira Matroxka edukiontziaren ahalmenetako batzuk:

• Bideo pista txandaketa bat edo hainbat eta pista bat bestearen atzetik erreproduzitzeko programazioa.
• Soinu eta bideoa VFRn (Framerate Variable) ikusi eta entzuteko aukera.
• Kalitate handiko edukiak gordetzeko aproposa.
• Funtzio aurreratuak azpitituluetan; SSA/ASS eta PGS.
• Hainbat kapitulu fitxategi bakar batean biltzeko aukera.
• Bideoa bistaratzea denbora errealean, deskarga betetzen ari den bitartean, edo streaming.
• Barne-bilatzaile hobetua (seeking).
• Gainkostu gutxiago, hau da fitxategi mota honek baliabide informatikoen optimizazioa dakar.
• Edozein motatako fitxategiak gehitzeko aukera.

Ahuleziak

Bi desabantaila nagusi^[3] dituzte MKV motako fitxategiek:

1. Gailu batzuk oraindik ez dute formatua antzematen eta ez dira edukia modu egokian erreproduzitzeko gai.
2. Memoria baxua duten telefono adimendunetan, MKV fitxategien tamaina handiak oztopatu egiten du erreprodukzioa. Sare sozial, posta elektroniko edo mezuen bitartez zabaltzea ere eragozten du fitxategien tamainak.