Miopia —hizkera arruntean, bista laburtasuna eta begi laburtasuna izenez ere ezaguna— ikusmenaren akats bat da, begietatik urrun dagoena zehaztasunez ikustea eragozten duena. Kristalinoak konbergentzia handiegia duenez, irudia erretina baino aurrerago fokatzen da.[1] Oftalmologoek miopia nozitzen duenari —hau da, miopeari— leiar dibergenteak (betaurrekoak edota ukipen leiarrak) erabilaraziz zuzendu ohi dute miopia. Kirurgia errefraktiboaren bidez ere zuzen daiteke, nahiz eta zenbaitetan albo efektuak dituen.
