Mostrejon

Mostrejon edo Mostrajon Arabako herri hustu bat da, Gazeoren kontzejuko lurraldean, Agurain ondoan, Iruraiz-Gauna udalerrian.

Mostrejon
Euskal Herria
Kokapena
Herrialdea	Araba
Udalerria	Gazeo
Geografia
Koordenatuak	42°50′43″N 2°25′13″W
Demografia
Biztanleria	0 (XIII.- XVIII. mendea)

Historia

Gazeoko eliza. Ezkerreko horman Andra Mariaren irudi bat. Agian hori da Mostrejonetik Gazeora eraman zutena.

Gerardo López de Gereñuk dokumentazioko XIII. mendeko lehen agerpena aipatzen du: Mostreion. 1257ko Jerónimo Aznar apezpikuaren zerrendan.^[1] Garai hartan Egilatzeko artzapez-barrutian zegoen. XVIII. mendean dagoeneko herria hustua zegoela baieztatzen du López de Gereñuk.

López de Gereñuk aipatzen ditu herri hustuaren egungo zenbait aldaera: Mostrejon, Mostrakon. Herrian zegoen Andra Mariaren irudia Gazeoko elizara eraman zutela dio López de Gereñuk.

«	1907-1909; Mostrajon en docs. del siglo XVIII; Mostracon actualmente en término labrantío.	»
—Auñamendi Eusko Entziklopedia.[2]

Kokapena

Gazeo, Agurain eta Langarika artean ikus daiteke GeoEuskadin.^[3][4] Google Maps-ek GeoEuskadik baino pixka bat iparralderago kokatzen du Mostrejon, eta OpenStreetMap, Mostrajon (sic) Gazeoren parean kokatzen du, Gazeoren hegoaldean, Gazeotik oso-oso hurbil.^[5]

Bibliografia

• Alava, pueblo a pueblo. Jose Luis Sáenz de Ugarte (1983). Caja Provincial de Álava - Arabako Kutxa

Argazki galeria

• 
  Gazeoko San Martin Tourskoaren eliza erromanikoa non gorde zen Mostrejongo Andra Mariaren irudia López de Gereñuren arabera.