Muhammad III.a

Muhammad bin Abd ar-Rahman bin Obayd Allah (arabieraz: محمد بن عبد الرحمن بن عبيد الله‎), Muhammad III.a (arabieraz: محمد الثالث) izenaz ezaguna, Kordobako hamaikagarren omeiatar kalifa izan zen, 1024 eta 1025 artean gobernatu zuena.^[1][2]

Muhammad III.a
Kordobako kalifa 1024ko urtarrilaren 17a - 1025eko ekainaren 12a ← Abd ar-Rahman V.a - Yahya al-Mutali →
Bizitza
Jaiotza	Kordoba, 976 (egutegi gregorianoa)
Herrialdea	Kordobako kaliferria
Heriotza	Uclés, 1025 (egutegi gregorianoa) (48/49 urte)
Familia
Aita	Abd al-Rahman
Seme-alabak	ikusi Wallada bint al-Mustakfi
Hezkuntza
Hizkuntzak	arabiera
Jarduerak
Jarduerak	aristokrata
Ideologia eta sinesmenak
Erlijioa	islama

Biografia

Aita Abd ar-Rahman, aitona Ubayd Allah eta birraitona Abd ar-Rahman III.a izan zituen.

1023an, hiriburuko etengabeko matxinadak gelditu, Al-Qasim al-Mamun hammuditar kalifa ihes egin eta Jerezen babestu zen. Omeiatarren aldekoek abenduaren 2an Abd ar-Rahman V.a kalifa izendatu zuten. Bere agintaldia 47 egun baino ez zuen iraun eta ezin izan zuen hiriburuko gatazkak gelditu. 1024ko urtarrilaren 17an Muhammad III.a bere lehengusuak zuzenduriko langabetuen matxinada batean erail zuten.

Kalifa izendatua, "al-Mustakfi bi-llah" (Allahz asebetetzen dena) hautatu zuen izenondoa. Ez zen agintari ona izan eta erabaki arbitrario eta krudel hartu ondoren, herri babesa galdu zuen. 1025ean, Yahya al-Mutali hammuditar kalifa ohiak armada bat prestatzen ari zela jakin eta, emakumez mozorroturik, hiriburutik ihes egin zuen. Al-Tagr al-Ala edo Goialdeko Markarantz jo zuen Zaragozan babesa bilatzeko asmotan, hala ere, Uclésen harrapatu eta erail zuten. Amin'am kristau esklaboarekin alaba bat izan zuen, Wallada izenekoa, gero poeta ospetsu bilakatu zena.