Nahia Zubeldia
idazlea eta musikaria From Wikipedia, the free encyclopedia
Remove ads
Nahia Zubeldia (Donibane Lohizune, Lapurdi, 1982) itzultzaile profesionala, idazlea, kantaria eta musikaria da. [1][2]
Biografia
Lengoaia zientziak ikasi zituen eta ondoren itzulpengintza EHUn, Gasteizen. Itzulpena du ogibide eta musika zaletasun. Idazle ere bada, bere kantuak idatzi izan ditu.
Kantari ibilbidea
Lapurdiko Lumi taldeko partaidea da Nahia, Manu Matthysekin batera.[3] Bi munduren nahasketatik emaitza bakar bezain ederra erdietsi dute: pop elektroniko atmosferikoa biltzen duten lau abestitako EPa (Moï Moï Records), eta bi LP: Itzal Zikinak (2019) eta Bezperen Dirdira (2022) [4]
Idazle ibilbidea
Bere kantuen letrak idazteaz gain, 2020an hautatua izan zen, Euskal kultur erakundeak, CPIE Euskal Itsasbazterrak eta Euskal Idazleen Elkarteak antolatzen duten euskal idazle egonaldiaren hamargarren edizioan parte hartzeko. 2020ko azaroaren 23an hasi eta hilabete batez, Hendaiako Nekatoenea baserrian egon zen olerki bilduma bat lantzen.[5]Juan Sebastian Elkanoren larruan sartuz, olerki bilduma bat landu zuen itsasketaz, euskaldunon jakin minaz, mundu ezezagunen bila joatearen tiraz eta itsasoaren aurpegiez, aurpegi guziez. Esperientzia honetan, nahi zuena izan zen idaztera joan, bere burua biluztu eta barruan zuena aztertu.[6]
"ene ametsen ama eta sormenaren bazka izanik ere, bisaia ilunagoak ere baititu itsasoak. Azken urteetan, esperantzaz bete jende anitzen hilobi bilakatu da, eta uretan arrain bezainbat zikin dabil… […] Paradoxa horietan eman nahi nuke arreta, ahal bezainbat ikuspuntutik so eginez".
Diskografia
- Bezperen dirdira. Zubeldiak idatzitako olerki sorta bat eta Matthysek bidean zituen zenbait doinuz osaturiko diskoa.[7]
Remove ads
Erreferentziak
Kanpo estekak
Wikiwand - on
Seamless Wikipedia browsing. On steroids.
Remove ads