Po

Po^[1] (latinez: Padus eta Eridanus; italieraz: Po; antzinako ligurieraz: Bodincus edo Bodencus; antzinako grezieraz: Πάδος eta Ἠριδανός) Italiako ibai nagusia da, luzeran (652 km), emarian (1.560 m³/s ahoan) eta arroan (71.057 km², hots, Italiaren laurdena).

Po
Datu orokorrak
Mota	ibaia
Luzera	652 km
Geografia
Koordenatuak	44°42′05″N 7°05′35″E
Herrialdea	Italia
Italiako eskualdeak	Piemonte
Hidrografia
Ibaiadarrak	ikusi Dora Baltea Adda Oglio Mincio (en) Tanaro (en) Pellice (en) Sangone (en) Dora Riparia (en) Stura di Lanzo (en) Orco (en) Sesia (en) Agogna (en) Ticino Olona Inferiore (en) Lambro (en) Scrivia (en) Trebbia Taro (en) Parma (river) (en) Enza (en) Secchia (en) Panaro (en) Ghiandone (en) Chiavenna (en) Arda (en) Maira (en) Versa (en) Grana del Monferrato (en) Rotaldo (en) Scuropasso (en) Stura del Monferrato (en) Nure (en) Varaita (en) Crostolo (en) Staffora (en) Malone (en) Banna (en) Terdoppio (en) Curone (en) Chisola (en) Q2996825 Tepice (en) Tidone (en) Colatore Agognetta (en) Q3862842 Meletta (en) Torrente Leona (en) Rio di Valle Maggiore (en) Oglio
Arroaren azalera	74.000 km²
Arro hidrografikoa	Po basin (en)
Ur-emaria	1.460 m³/s
Iturburua	Pian del Re (en)
Bokalea ()	Adriatikoa

Izenaren jatorria

Erromatarrek Padus izena eman zioten latinez, iturburuan zegoen pinu mota ugari batetik eratorria. Hortik dator Pianura padana izendapena. Eta horregatik Padania izen politikoa, Lega Nord alderdiak Italiako iparralde aberatsa izendatzeko erabilia.

Geografia

Alpeetan du iturburua, Monte Vison (2.022 m). Piemonte, Lonbardia, Emilia-Romagna eta Veneto eskualdeak ureztatzen ditu; arroak beste bi eskualde hartzen ditu: Aostako Harana eta Trentino-Adige Garaia. Turin, Ferrara, Piacenza eta Cremona hirietatik igarotzen da Adriatikoan itsasoratu baino lehen. Meandro ugari ditu ibilguan zehar, eta delta handia eratzen du ibaiaren bokalean.

141 ibaiadar ditu. Garrantzitsuenak Dora Riparia, Dora Baltea, Sesia, Ticino, Adda, Oglio eta Mincio dira.

Hidrometria

Po ibaiaren emaria 1918-1979 bitartean neurtua izan zen Pontelagoscuron (itsasoratu baino 118 km lehenago).^[2] Gune horretan, drainatutako eremuak 70.091 km² ditu, arro osoaren % 98,6. Urteko batez besteko emaria 1515 m³ segundoko da. Emari handiena maiatzean du (1936 m³/s), eta txikiena abuztuan (969 m³/s).

Po ibaiaren batez besteko emariak (m³/s), Pontelagoscuron neurtuak
Datuak: 1918 eta 1979 artean

Ekonomia

Italiako eskualde aberatsen eta populatuenetatik igarotzen da. Estatuko ekonomiaren giltzarria da, BPGren %40, industriaren %37, enpleguaren %46 eta argindar kontsumoaren %48.