Portuñol zein portunhol (hurrenez hurren, gaztelaniaz eta portugesez) portugesaren eta gaztelaniaren arteko nahasketari emandako izena da eta interlinguatzat ere hartu izan da.^[1] Espainiera-portugesa edo portugesa-espainiera ere dei dakioke. Gaztelania eta portugesa mintzatzen diren lurraldeetako mugetan erabiltzen da, bai Hegoamerikan —Brasil eta inguruko lurralde gaztelania-hiztunen artean— eta bai Iberiar penintsulan —Portugal eta Espainia artean— ere.