Profanazio

Profanazioa gauza, objektu, eraikin zein erakunde edo, are, sakratutzat, garrantzitsutzat edo errespetuzkotzat jotzen diren pertsonen erabilera arduragabeari edo errespeturik gabekoari esaten zaio. Sakratua dena begirune gabe begiratu edo tratatzea izan daiteke profanazioa.^[1] Profanazioaren garrantzia edo maila neurtzeko ideologia ezinbestekoa da.

Hilerri profanatua Alsazian, 2019an.

Zuzenbidean delitu gisa hartzen da, bereziki gorpu, hilobi eta hilerriei egindako profanazioetan: hildakoei zor zaie begirunea urratzea, baimenik gabe hilobiak irekitzea, hilerrietan bandalismo ekintzak egitea...