Rayda Jacobs

Rayda Jacobs (Lurmutur Hiria, Hegoafrika, 1947ko martxoaren 6a – Toronto, Kanada, 2024ko urriaren 29a)^[1] hegoafrikar idazle eta zinema zuzendaria izan zen.^[2]

Rayda Jacobs
Bizitza
Jaiotza	Lurmutur Hiria, 1947ko martxoaren 6a
Herrialdea	Hegoafrika
Heriotza	Toronto, 2024ko urriaren 29a (77 urte)
Hezkuntza
Hizkuntzak	ingelesa
Jarduerak
Jarduerak	film-zuzendaria eta idazlea
Jasotako sariak	ikusi The Sunday Times Fiction Prize  (2004)

Bizitza

Jacobs Deep Riverren jaio zen, Lurmutur Hirian, 1947ko martxoaren 6an, eta gaztetan hasi zen idazten.^[2] 1968an, Torontora (Kanada) joan zen bizitzera, han ezkondu zen, bi seme-alaba izan zituen eta geroago dibortziatu zen.^[2] Lehen liburua, The Middle Children ipuin bilduma, Kanadan argitaratu zuen 1994an. Hurrengo urtean Hegoafrikara itzuli zen. 1996an argitaratutako Eyes of the Sky eleberriak Recht Malan saria irabazi zuen ingelesezko fikzioaren kategorian.^[3]

Cape Times egunkarirako artikulu luze batzuk idatzi zituen eta irrati-programak antolatu zituen. Telebistarako dokumentalak ere ekoiztu eta zuzendu zituen, besteak beste, God Has Many Names eta Portrait of Muslim Women.^[2]

Jacobs Toronton (Ontario) hil zen 2024ko urriaren 29an, 77 urte zituela.^[1]

Lan hautatuak

• The Middle Children: Short Stories (1994)
• Eyes of the Sky (1996)
• The Slave Book (1998)
• Sachs Street (2001)
• Confessions of a Gambler (2003), zinemarako moldatua
• Postcards from South Africa (2004)
• The Mecca Diaries (2005)
• My Father's Orchid (2006)
• Masquerade (2008)
• Joonie (2011)

Sariak

• 1996: Recht Malan saria (Eyes of the Sky liburuarengarik)^[3]
• 2004: Sunday Times aldizkariaren saria (Confessions of a Gambler liburuarengatik)^[4]
• 2004: Herman Charles Bosman saria (Confessions of a Gambler liburuarengatik)^[3]