Roman Matsov
From Wikipedia, the free encyclopedia
Remove ads
Roman Voldemarovitx Matsov (errusieraz: ; 1917ko apirilaren 27a, Petrograd – 2001eko abuztuaren 24a, Tallinn) sobietar eta estoniar biolinista, pianista eta orkestra-zuzendaria izan zen.[1]
Udako ikastaroak egin zituen Berlinen, Georg Kulenkampff (biolina) eta Walter Gieseking (pianoa) maisuekin. 1940an Tallinngo Kontserbatorioan graduatu zen biolin eta pianoan, eta Estonia SESBeko kide izan baino lehentxeago Leningradoko Kontserbatorioan sartu zen, Estoniako zenbait orkestra sinfonikoren kontzertu-maisua izaten jarraitzen zuen bitartean.
Gerra hasi zenean boluntario aurkeztu zen frontean eta teniente bilakatu zen, baina 1941ean larriki zauritua izan zen. 1943an zuzendu zuen lehen aldiz, Yaroslaven, hustutako Estoniako kolektibo artistikoarekin. 1946an jaso zuen lehen zuzendari-saria. Matsovek Sobietar Batasuneko Orkestra Zuzendarien Lehiaketaren saria jaso zuen 1948an. 1950ean Estoniako Irrati eta Telebista Orkestra Sinfonikoko ohiko zuzendaria eta zuzendari nagusia izan zen. Estoniako konpositoreen obra askoren estreinaldiak eman zituen, Stravinsky, Hindemith, Schoenberg eta Webernekin batera, eta azkar egin zuen gora.
Bigarren Mundu Gerran bere familiak Australiara emigratu zuen eta Australian zuen ahizpak kontzertu baten berri ikustean bakarrik bizirik jarraitzen zuela jakin zuen.
Hala ere, geroago Mahlerren lanak programatzeagatik kritikatua izan zen.
Remove ads
Xostakovitxekiko adiskidetasuna
Roman Matsovek Dmitri Xostakovitxekin kolaboratu zuen konpositorearen musikak bizirik iraun zezan, baina Maria Yudinari bezala atzerrira bidaiatzea debekatu zioten, eta musika-agintari ofizialek espoliatu egin zuten. Hil eta hiru urtera, 2004an, Gramophone-k honako hau idatzi zuen: "Xostakovitxen milaka eskuizkribu eta grabazio bilatzen ari dira, oraindik bildumaren jabe izandako Roman Matsov zuzendariaren Estoniako apartamentuan gordeta daudenak".
Remove ads
Grabazioak
- LP Estoniako Irratiko Orkestra Sinfonikoa, Roman Matsoven zuzendaritzapean
Sariak
- Izar Gorriaren Ordena (1945)
- Estoniako SESko artista omendua (1954)
- Lanaren Bandera Gorriaren Ordena (1956)
- Estoniako SESko herri-artista (1967)
- Gerra Abertzalearen Ordena, 2. klasea (1985)
- Izar Zuriaren Ordena, 3. klasea (2001)
Erreferentziak
Kanpo estekak
Wikiwand - on
Seamless Wikipedia browsing. On steroids.
Remove ads