Samaniar

Samaniar edo amaniar (latinez: Amani) autrigoiak osatzen zuten tribuetako edo populietako bat izan zen.^[1] Bere eremua ekialdeko Kantabrian zegoen, ziur asko egungo Castro Urdialesko Sámano haranaren inguruan.^[2]

Plinio Zaharraren esanetan, eskualdean Portus Amanus edo Portus Samanum izeneko herrixka zegoen^[3] I. mendean, Kantabriar Gerren amaieran, erromatarrek bertan hiri bat eratu zuten: Flaviobriga izenekoa.

Eskualdean bi kastro topatu dituzte: Sámano haitzekoa eta Cueto mendikoa. Hanibat aztarna topatu dituzte eta baita Juliobrigara zihoan erromatar galtzada ere. Beraz, merkatal gune inportantea omen zen.