Sebastia

Sebastia (arabieraz: سبسطية‎‎‎, Sabastiyah; grekeraz: Σεβαστη, Sevastee; hebreeraz: סבסטי‎, Sebasti; latinez: Sebaste), Sabastia edo Sabastiya izenez ere ezaguna, Palestinako herri bat da, 2.614 biztanlekoa^[1], Nablusko Gobernazioan kokatua, Zisjordania okupatuan^[2], Nablusko hiritik 12 kilometro ipar-mendebaldera^[3].

Sebastia
giza kokalekua
Irudi gehiago
Administrazioa
Herrialdea	Palestina
Eskualde geografiko	Zisjordania
Palestina Estatuko lurralde-antolaketa	Nablusko Gobernazioa
Geografia
Koordenatuak	32°16′N 35°11′E
Azalera	4,8 km²
Demografia

Udal-azalera 4.810 dunamekoa^[4] da (4,81 kilometro karratu), 150 dunameko eremu urbanizatua. Udal lursail gehienak C Eremuan daude, Israelek zuzenean kudeatutakoak^[5].

Aztarnategi arkeologiko ugari daude Sebastian. Horien artean, Nabi Yahya meskita nabarmentzen da. Antzinako katedral gurutzatu baten gainean eraiki zen, eta, tradizioaren arabera, Joan Bataiatzailearen hondakinak gordetzen ditu^[5]. Sebastia UNESCOren Gizateriaren Ondare izendatzeko hautagai izan zen 2012an.