Suzanne Rose Elosu

Suzanne Elosu (Aldude, 1901-Baiona, 1980) euskal politikari eta medikua izan zen. Fernando Elosu mediku anarkistaren alaba.

Suzanne Rose Elosu
Bizitza
Jaiotza	Aldude, 1901
Herrialdea	Nafarroa Beherea, Euskal Herria
Heriotza	Baiona, 1980 (78/79 urte)
Familia
Aita	Fernando Elosu
Hezkuntza
Hizkuntzak	frantsesa
Jarduerak
Jarduerak	medikua eta politikaria
Ideologia eta sinesmenak
Alderdi politikoa	Frantziako Alderdi Komunista

Alderdi komunistako ordezkari bezala Baionako udal kontseilaria izan zen 1945tik 1959ra. Baionako lehen hautetsi emaztea izan zen 1945an, emazteak ere hautetsi izateko eskubidea lortu zuten urtean.

Mediku bezala oinazerik gabeko erditzearen defentsan aitzindaria izan zen^[1].

1929ean Rousseauri buruzko tesia idatzi zuen, La maladie de Jean-Jacques Rousseau, oihartzun handia lortuz. Lan honetan idazle frantziarraren sintoma psikiatrikoak, bere ustezko eromenaren jatorria, gernu-ugaltze sistemaren malformazio batekin lotzen zuen^[2].

Baionako Herriko Etxeak, 2011 urtean, aho batez onartu zuen Lauga eta ospitalearen arteko biribilgune bati bere izena jartzea^[3][4][5].