Victorinus Youn Kong-hi

Victorinus Youn Kong-hi (koreeraz: 윤공희; Nampo, 1924ko azaroaren 8a) iparkorear jatorriko hegokorear elizgizon katolikoa da, Gwangjuko artzapezpiku emeritua.

Victorinus Youn Kong-hi
Roman Catholic Archbishop of Gwangju (en) 1973ko urriaren 25a - 2000ko azaroaren 30a ← Peter Han Kong-ryel (en) - Andreas Choi Chang-mou (en) → Elizbarrutia: Gwangjuko artxidiozesia elizbarrutiko apezpiku 1963ko urriaren 7a - - Angelo Kim Nam-su (en) → Elizbarrutia: Suwongo elizbarrutia
Bizitza
Jaiotza	Hego Pyongan, 1924ko azaroaren 8a (100 urte)
Herrialdea	Hego Korea
Lehen hizkuntza	koreera
Hezkuntza
Heziketa	Catholic University of Korea (en)
Hizkuntzak	koreera
Jarduerak
Jarduerak	apaiz katolikoa eta apezpiku katolikoa
Sinesmenak eta ideologia
Erlijioa	Erromatar Eliza Katolikoa

Bizitza

Nampon (gaur egun Ipar Korea) jaio zen 1924an. Haren gurasoak katolikoak ziren. Apaizgaitegi batean ikasten ari zela, komunistek boterea hartu zuten eta katolikoak jazartzen hasi ziren. Victorinus Youn Kong-hi ihes egin zuen Daniel Tji Hak-soun apezpikuarekin batera. 1950eko urtarrilaren 17an iritsi ziren Seulera^[1].

1950eko martxoaren 20an apaiztu zen^[1][2].

1957tik 1960ra Erroman teologia ikasi zuen Urbaniana unibertsitatean eta Eliz Unibertsitate Gregorianoan^[1].

1963ko urriaren 7an, Paulo VI.a aita santuak Suwongo lehen apezpiku izendatu zuen^[2][1]. Urte berreko urriaren 20an apezpiku ordenatu zuten^[2]. Pax Christi leloa hautatu zuen^[3].

1973ko urriaren 25ean Gwangjuko artzapezpiku bihurtu zen^[2].

1973tik 2010era Gwangjuko Unibertsitate Katolikoko zuzendari izan zen^[1].

Artzapezpikua zen bitartean, Najuko santutegiko mirarien ikerketa hasi zuen eta esan zuen bere ustez ez dagoela naturaz gaindiko ebidentziarik fenomeno horretan^[4].

2000ko azaroaren 30an erretiroa hartu zuen^[2]. Hego Koreako apezpiku zaharrena da^[5].

2022an esan zuen bere ustez Ipar Korea komunistan katolikoen kopurua gero eta handiagoa dela, nahiz eta ezkutuan bizi eta jazarpena jasan^[1].

2024ko urtarrilean ehungarren urtebetetzea ospatu zuen (Hego Korean, tradizioz, urtarrilean urte bat gehitzen zaio adinari eta ez benetako jaiotze-egunean)^[6].

Ondorengotza apostolikoa

• Scipione Rebiba kardinala
• Giulio Antonio Santorio kardinala (1566)
• Girolamo Bernerio kardinala (1586)
• Galeazzo Sanvitale artzapezpikua (1604)
• Ludovico Ludovisi kardinala (1621)
• Luigi Caetani kardinala (1622)
• Ulderico Carpegna kardinala (1630)
• Paluzzo Paluzzi Altieri Degli Albertoni kardinala (1666)
• Benedikto XIII.a aita santua (1675)
• Benedikto XIV.a aita santua (1724)
• Klemente XIII.a aita santua (1743)
• Marcantonio Colonna kardinala (1762)
• Hyacinthe-Sigismond Gerdil kardinala (1777)
• Giulio Maria della Somaglia kardinala (1788)
• Carlo Odescalchi kardinala (1823)
• Costantino Patrizi Naro kardinala (1828)
• Lucido Maria Parocchi kardinala (1871)
• Pio X.a aita santua (1884)
• Benedikto XV.a aita santua (1907)
• Eugenio Maria Giuseppe Giovanni Pacelli kardinala (1917)
• Eugène Tisserant kardinala (1937)
• Paulo VI.a aita santua (1954)
• Victorinus Youn Kong-hi artzapezpikua^[2]