California

California es unu delos cinquenta estaus que, juntu con Washington D.C., forman los Estaus Unius. La su capital es Sacramentu, i la su ciá más puebrá, Los Ángeles. Está assitiá ena región oesti del país, devisión Pacíficu, alimitandu al norti con Oregón, al esti con Nevada, al suresti con el río Colorau que lo assepara d’Arizona, al sul con Baxa California (Méxicu) i al oesti con el océanu Pacíficu. Con 39 538 223 abitantis, sigún el Censu de los Estaus Unius de 2020, es el estau con más abitantis i con 423 970 km², el terceru más estensu, por atrás d’Alaska i Texas. Fue amitiu ena Unión el 9 de setiembri de 1850 cumu el estau númiru 31.

California
Entidad subnacional
Bandera
Ubicación de California
Coordenadas	37°N 120°O
Capital	Sacramento
Entidad	Estado de los Estados Unidos
• País	Prantilla:Geodatos Estaus Unius
Superficii
• Total	423 970 km²
Altol
• Media	884 m s. n. m.
Puebración (1 d'abril de 2020)
• Total	39538223 hab.
• Densidá	93,26 hab/km²
Huso horario	UTC−8, Tiempo del Pacífico, America/Los_Angeles y UTC−7
Sitio web oficial
[editar datos en Wikidata]

Amás, cuenta colas segunda i quinta árias más puebrás dela nación, el Gran Los Ángeles i el Área de la Baía de San Franciscu i ochu delas ciais más puebrás del país: Los Ángeles, San Diegu, San José, San Franciscu, Fernu, Sacramentu, Long Beach i Oakland.

Toponimia

El nombri de California i la su reina Calafia provienin dela epopeya Las sergas de Esplandián, escrebía por Rodríguez de Montalvo en 1510.

La parabra California deriva del nombri d’un paraísu ficticiu, la isla de California, abitaú por amazonas negras bahu el mandu dela reina Calafia. Esti mitu apaici nuna novela de caballerías de 1510, Las sergas de Esplandián,^[1] escrebía pol escrebiol d’aventuras castellanu Garci Rodríguez de Montalvo.^[2][3][4] El reinu de Calafia u Califia es descritu por Montalvo cumu una tierra remota abitá por grifus i otras estrañas bestias i ricu en oru:

Prantilla:Cita

California es el quintu nombri d’orihin uropeu más antiguu en Estaus Unius. Fue designau ena espedición española dirigía por Diego de Becerra i Fortún Jiménez, que denominun isla de California al estremu inferiol dela península de California quandu desembarcun allí en 1533 baxu las órdenis d’Hernán Cortés.^[5]

Posteriolmenti la parabra California llegó a referil-si a una región más amplia, la Baxa California i la Alta California, compuesta pola península de California, en México, i un vastu territoriu n'Estaus Unius que abarcó el del atual estau de California más la totaliá u parti delos de Nevada, Utah, Arizona i Wyoming. Ogañu essi nombri lo comparti el estau de California en Estaus Unius i los estaus mejicanus de Baxa California i Baxa California Sur.

Estoria

La çona estuvu puebrá dantis hazi milenius polos nativus americanus dantis delas primeras espedicionis uropeas nel sigru XVI. Estus poblaoris se repartían en 105 puebrus endígenas americanus que palraban los idiomas de seis famílias lingüísticas deferentis.^[6] La Corona española coloniçó las árias dela costa del territoriu en 1769, alministrando-las a través del Virreinato de la Nueva España; endispués dela Guerra dela

Endependencia de México (1810-1821), California fue parti del territoriu nacional, primeru cumu provincia imperial i endispués cumu territoriu federal, ata la invasión estauniensi de 1846-1848. Al términu dela guerra i cumu condición pala pazi, la Repúbrica Mejicana fue obligá a cedel el territoriu alos Estaus Unius nel Tratau de Guadalupe Hidalgo.^[7] La Fiebre del Oru nel períodu 1848-1849 provocó una enmigración de 90 000 estauniensis proceentis del restu del país. Finalmenti, California se convirtió nel trigésimu primer estau de Estados Unidos en 1850.

Conomía

Si California fuere una nación endependienti, sedríe la quinta economía del mundu, con un producto interior bruto (PIB) d’alreol de 3.20 billonis de dólaris (datus de 2021) lo que representa el 12.0 % del PIB de Estaus Unius, qu'asciendi a un total de 20.5 billonis de dólaris; amás, sedríe el 37.º estau nel mundu más abitantis.^[8] Las prencipalis ativiais conómicas del estau son la agricultura, el ociu, la tecnología, la energía eléctrica i el turismu. En California se localiçan argunas delas ciais económicas más emportantis del mundu, talis cumu Los Ángeles (entretenimiento, ociu), el Valle Central (agricultura), Silicon Valley (informática i alta tecnología) i el Valle de Napa (vino).

Inque solu representa el 1,5 % dela economía del estau,^[9] la endustria agrícola de California es la de mayol producción de tolos estaus de EE. UU.^[10][11][12]

Las contribucionis notablis ala coltura popular, por exemplu nel entretenimientu i los desportis, tienin el su orihin en California. El estau tamién á hechu notablis contribucionis en los campus dela comunicación, la enhormación, la innovación, el ecolorhismu, la economía i la política.^[13][14][15] Es la sedi d’Hollywood, la más antigua i una delas mayoris endustrias cinematográficas del mundu, que á teniu una prehunda enhluencia nel entretenimiento mundial. Se considera el orihin dela contracoltura hippie, dela coltura dela playa i del automóvil,^[16] i del ordinadol pressonal,^[17] entre otras innovacionis.^[18][19]