August

August er 8. mánaði í árinum eftur tí gregorianska kalendaranum og ein av 7 mánaðum, sum hava 31 dagar. Til heiðurs fyri Augustus keisara í Rom varð ein mánaður uppkallaður eftir honum, eins og juli er uppkallaður eftir Julius Cæsar, (d. ár 44 f.Kr). Fyri at mánaðurin hjá Augustusi ikki skuldi vera styttri enn tann hjá Juliusi, varð ein dagur fluttur frá februar til august, so bæði juli og august gjørdust eins langir.

<<	august 2025					>>
Má	Tý	Mi	Hó	Fr	Le	Su
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30	31
MMXXV

Hendingar í august

• 1. august 30 f.Kr. - Marcus Antonius, rómverskur politikari, herovasti og elskarin hjá Kleopatra, fremur sjálvmorð í Alexandria í Egyptaland.
• 1. august 1800 - Bretski kongur Georg III undirskrivar lógina Act of Union 1800, sum sameinir Kongaríki Stórabretland og Kongaríki Írland til Sameinda Kongaríki Stórabretland og Írland.
• 1. august 1980 - Vigdís Finnbogadóttir verður sum fyrsta kvinna í heiminum, vald til forseta, tá hon vinnur tað íslenska forsetavalið.
• 1. august 2014 - Pamela Anderson kom til Føroya á vitjan umboðandi felagsskapin Sea Shepherd. Hon og onnur frá Sea Shepherd høvdu tíðindafund á Hotel Føroyum.
• 3. august 1492 - Í lýsingini tann 3. august seta trý skip, Santa María, Niña og Pinta, seglini og fara úr spanska havnarbýnum Palos í einari roynd at finna sjóleiðina til India vestur um hav. Fyrsta ferðin hjá Kristoffuri Kolumbus er byrjað.
• 3. august 1914 - Fyrsta skipið siglir ígjøgnum nýggju Panamaveitina.
• 3. august 1958 - Amerikanski kjarnorkurikni kavbáturin Nautilus siglir undir ísinum á Norðpólin.
• 3. august 2007 - Russiski trolarin Olshana, við 270 tonsum av dieselolju umborð, søkkur í Tangafirði vestanfyri
• 10. august 1961 - Vjetnamkríggið: Amerikonsk hernaðarflogfør byrja at spræna evnafrøðilig evni til leyvoyðing út yvir landið.
• 10. august 2003 - Hitabylga í Evropa. Hitin í Suðurfraklandi er ymsastaðni meiri enn 40 stig.
• 13. august 1961 - Tíðliga á morgni byrja eysturtýskir hermenn at byggja múrur uttan um Vesturberlin.
• 23. august 1989 - Ungarn letur markið til Eysturríki upp.
• 28. august 1963 - Martin Luther King heldur heimsgitnu røðuna við heitinum "I have a dream" í Washington, meðan 200 túsund fólk lurta eftir honum.
• 28. august 1985 - Heimsins fyrsta roykibann kemur í gildi, tá ein matstova í Colorado, USA, bannar royking innandura.
• 31. august 1997 - Diana prinsessa av Wales letur lív aftaná eina bilvanlukku í París.
• 31. august 2019 - Løgtingsval í Føroyum.

Wikimedia Commons logo

Sí miðlasavnið

»August« í Wikimedia Commons.

Januar | Februar | Mars | Apríl | Mai | Juni | Juli | August | September | Oktober | November | Desember