E Nees

E Nees as en håli än iinj foon da Nordfrasche Ailönje. Di håli läit tut sööden foon Fäär än heet 21 wärwe. Tuhuupe ma Üülönj as e Nees en gemiind önjt åmt Pelwärm önj e Kris Nordfraschlönj. E gemiind heet 121 inboogere (2024)^[1].

"E Nees" önj oudere spräkewise

Sölring  Öömrang  Fering  Halunder  Halifreesk  Mooring  Wiringhiirder  Karhiirder  Gooshiirder

Täkst aw mooringer frasch

Geografii

E Nees as dåt füftgrutst nordfrasch ailönj. Di håli as tuhuupewüksen üt da tra üülje hålie e Mjarsch önjt weesten, e Nees önjt nordååsten än Bütwäil önjt söödååsten. Tut norden foon e Nees läit e Norderou, tut sööden e Sööderou. Tut nordååsten läit Üülönj amjääwen foon huuger wåt, südåt huum bai läichwååder foon Doogebel üt ouer e slaag eefter e Nees luupe koon. E Nees än Üülönj san deer uk ouer en doom ma e fååstewål ferbünen.