Iustinianus I

Impire Rómhánach an Oirthear ab ea Iustinianus I (Laidin: Flavius Petrus Sabbatius Iustinianus; Sean-Ghréigis: Φλάβιος Πέτρος Σαββάτιος Ἰουστινιανός), ar a dtugtaí Iustinianus Mór freisin, an tImpire Biosántach ó 527 go 565.

Iustinianus I

Ainm sa teanga dhúchais	(la) Flavius Petrus Sabbatius Iustinianus (el) Φλάβιος Πέτρος Σαββάτιος Ιουστινιανός (la) Flāvius Petrus Sabbatius Jūstīniānus
Beathaisnéis
Breith	(la) Petrus Sabbatius 11 Bealtaine 482 Taurision (Serbia) (an Impireacht Bhiosántach)
Bás	14 Samhain 565 83 bliana d'aois Cathair Chonstaintín
Áit adhlactha	Church of the Holy Apostles (en) Cathair Chonstaintín Iostanbúl
Impire Biosántach
1 Aibreán 527 – 14 Samhain 565 ← Justin I – Justin II (en)  →
Seanadóir de chuid na Sean-Róimhe
Faisnéis phearsanta
Reiligiún	Críostaíocht Oirthearach, An Chríostaíocht Chalcadónach agus an Chríostaíocht
Gníomhaíocht
Gairm	reachtóir, impire, polaiteoir, scríbhneoir
Tréimhse ama	Byzantine Egypt (en)
Teangacha	An Laidin
Ardú
naomh
Lá féile	14 Samhain
Teaghlach
Teaghlach	Justinian dynasty (en)
Céile	Theodora
Páiste	Theodoros Tziros
Athair	luach anaithnid agus Justin I  agus Vigilantia
Siblín	Vigilantia

Bhí stair ar leith bainteach le réimeas an Impire sé sin an iarracht uaillmhianach (ach nach raibh curtha i gcrích go hiomlán) an 'Impireacht a athbhunú' ^[1]. Léiríodh an uaillmhian seo nuair a tháinig téarnamh páirteach ar chríocha Impireacht na Róimhe Thiar, a bhí imithe as feidhm.^[2] Chuir a ghinearál, Belisarius, Ríocht Vandalach san Afraic Thuaidh faoi smacht go tapa. Ina dhiaidh sin, chuir Belisarius, Narses, agus ginearáil eile an ríocht Oirghotach faoi smacht, ag athbhunú an Dalmáit, an tSicil, an Iodáil, agus an Róimh don Impireacht tar éis níos mó ná leathchéad bliain d'fhorlámhas na nOirghotach. D'athghabháil Liberius an maor praetóireach deisceart leithinis na hIbéire, ag bunú Cúige na Spáinne (Laidin: Provincia Spaniae). D'athbhunaigh na feachtais seo smacht na Róimhe ar iarthar na Meánmhara, rud a mhéadaigh ioncam bliantúil na hImpireachta faoi bhreis agus milliún solidus.^[3] Le linn a réime, chuir Iustinianus na Tzani faoi chois freisin, pobal ar chósta thoir na Mara Duibhe nach raibh riamh roimhe seo faoi smacht na Róimhe. Chuaigh sé i ngleic leis an Impireacht Shasánach san oirthear, le linn réimeas Cabad I, agus níos déanaí arís le linn Cosro I; cuireadh tús leis an dara coimhlint seo go páirteach mar gheall ar a uaillmhianta san iarthar.

Gné ba shuntasaí fós dá oidhreacht ná athscríobh aonfhoirmeach an dlí Rómhánach, an Corpus Juris Civilis, atá fós mar bhunús leis an dlí sibhialta i go leor stát sa lá atá inniu ann.^[4] Chomh maith leis sin, tháinig borradh faoin gcultúr Biosántach le linn dó bheith i réim, agus bhí oibreacha ar nós an Hagia Sophia mar thoradh ar a chlár tógála. Tugtar "Naomh Iustinianus an tImpire" air san Eaglais Cheartchreidmheach Thoir..^[5] Mar gheall ar a ghníomhaíochtaí athchóirithe, thugtaí an "Rómhánach Deireanach" uaireanta ar Iustinianus i staireagrafaíocht lár an 20ú haois.^[6]