Ceit Fhoirbeis

'S e neach-poileataigs Albannach a tha ann an Ceit Fhoirbeis, BPA (Beurla: Kate Forbes).

Ceit Fhoirbeis
Ball 5mh Pàrlamaid na h-Alba 5 dhen Chèitean 2016 - 5 dhen Chèitean 2021 ← Dave Thompson Sgìre: An t-Eilean Sgitheanach, Loch Abar agus Bàideanach Taghadh: Taghadh Albannach 2016 Ball 6mh Pàrlamaid na h-Alba 6 dhen Chèitean 2021 - Sgìre: An t-Eilean Sgitheanach, Loch Abar agus Bàideanach Taghadh: Taghadh Albannach 2021 Rùnaire a’ Chaibineit airson an Ionmhais agus an Eaconamaidh 18 dhen Chèitean 2021 -
Beatha
Breith	Inbhir Pheofharain, 6 dhen Ghiblean 1990
Dùthaich	Alba
Foghlam
Foghlam	Acadamh Inbhir Pheofharain Selwyn College (en)
Cànain	Beurla Gàidhlig
Dreuchd
Dreuchd	neach-poileataigs
Creideamh
Pàrtaidh poileataigeach	Pàrtaidh Nàiseanta na h-Alba

Bha i na sgoilear aig Acadamaidh Inbhir Pheofharain agus dh'ionnsaich i eachdraidh aig Oilthigh Chambridge. An dèidh do rinn i ceum maighstireachd air eachdraidh de dh'eilthireachd aig Oilthigh Dhùn Èideann, dh'obair i airson Dave Thompson BPA agus mar chunntasair airson Barclay's.^[1]

Chaidh na BPA airson An t-Eilean Sgitheanach, Loch Abar agus Bàideanach ann an 2016 is na Ministear an Ionmhais Phoblaich agus na h-Eaconomaidh Didseataich nuair an do chrath Nicola Sturgeon a caibineit ann an 2018.^[2] Ann an 2020 ghabh i òraid a' bhuidseid is i na chiad bhean a rinn sin às dèidh Derek Mackay leig a dhreuchd dheth,^[3] agus an-sin chaidh i na Rùnaire Ionmhais.^[4] Ghabh Iain MacShuibhne a h-àite nuair a chaidh i air fòrladh màthaireil ann an 2022.^[5]

Tagraiche ceannardas Pàrtaidh Nàiseanta na h-Alba 2023

Faic Taghadh ceannardas Partaidh Nàiseanta na h-Alba 2023

Thill i à fòrladh màthaireil agus dh'fhoillsich i gun seas i airson ceannardas Pàrtaidh Nàiseanta na h-Alba agus mar sin prìomh-mhinistearachd na h-Alba an aghaidh Humza Yousaf agus Ash Regan an dèidh do Nicola Sturgeon innis gun leig ise a dreuchd suas.^[6] Gidheadh, chaill i taic bho Clare Haughey agus Tom Arthur, am measg chàich, nuair a dh'inns i gun robh i an aghaidh poileasaidhean a' phàrtaidh mu pòsadh aona-ghnèitheach agus atharrachadh gnè.^[7]

Bhuannaich i 20,559 bhòt (40.7%) anns a' chiad runnd is 23,890 (47.9%) anns an dàrna runnd, a choisinn Humza Yousaf.^[8] Tha i na suidhe air na beingean-cùil an dèidh sin.^[9]

Air ais anns an Riaghaltas

An dèidh do Humza Yousaf an ceannardas fhàgail dhearbhaich i nach seasadh i a-rithist ach bhiodh i toilichte a bhith ann an riaghaltas Iain MacShuibhne^[10] agus chaidh i na leas-phrìomh-mhinistear na h-Alba agus na ministear airson na Gàidhlig.^[11] Thuirt i anns an Lùnastal 2025 nach do sheas i airson na Pàrlamaid aig na taghaidhean ann an 2026.^[12]

Seasamh poileataigeach

Ged a tha i air làmh deas a' phàrtaidh, dh'fhoillsich i agus dà BPA eile aithris air eaconamaidh shoirbheis còmhla ris a' bhuidheann-beachdachaidh Common Weal.^[13]

Ceanglaichean a-mach

• Kate Forbes - làrach-lìn oifigeil (Beurla)
• Pàrlamaid na h-Alba: Kate Forbes - MSPs (Beurla)
• They Work for You: Kate Forbes (Beurla)
• BBC Naidheachdan 2016-06-27: “Call £100m ri linn Brexit” - beachd aig Ceit Fhoirbeis
• BBC Naidheachdan 2016-08-09: Dìon air a' Ghàidhlig ann an reachdas - beachd aig Ceit Fhoirbeis
• BBC Naidheachdan 2018-06-27: Àrdachadh dreuchd dha Ceit Fhoirbheis
• BBC Naidheachdan 2020-02-17: Ceit Fhoirbeis na Rùnaire Iomhais