Lugoj

'S e baile meadhannach eadar Timișoara agus Deva, air an àirde an iar Romàinia a th' ann an Lugoj (IPA: ˈluɡoʒ, Ungairis: Lugos, Gearmailtis: Lugosch, Turcais: Logoş). Tha e suidhichte ri taobh na h-Aibhne Timiș, aig 124m os cionn ìre na mara, san t-siorrachd (Romàinis: Județ) Timiș. Tha 40,361 duine a' fuireach ann.^[1]

Lugoj Lugos Lugosch Logoş Gearradh-arm no Seula
Suidheachadh
Dùthaich	Romàinia
Ceàrn	Timiș
Co-chomharran	45° 41 17' Tuath 21° 54 58' Ear
Feartan fiosaigeach
Farsaingeachd	88.05 km²
Àireamh-shluaigh	40,361 (2011)
Dlùths	458.39/km²
Àireamh fòn	+40 02 56
Duilleag oifigeil	Duilleag Oifigeil

Eachdraidh

'S ann connspaideach 's a tha freumh-fhaclachd ainm a' bhaile. Tha cuid a dhaoine dhen bheachd gur ann às an fhacal liugas (Gàidhlig: boglach) ann an Dacis air neo Lugos (Gàidhlig: Lugh) ann an seann Cheiltis. 'S mathaid gun tàinig e bhon fhacal locus (Gàidhlig: àite) ann an Laideann, seach lugas (Gàidhlig: doire) ann an Ungairis. A dh'aindeoin sin, tha teòiridh eile ann a chanas gur e dìreach am facal rogoz (Gàidhlig: rumach) ann an Romàinis. Chaidh a chlàradh airson a' chiad turais ann an 1368 mar Lugas agus an uair sin ann an 1376 mar Castrum Lugas. Buinneadh Lugoj dhan Phrionnsalachd Transsilvania bho 1570 gu ruige 1699, nuair a bha e fo smachd Impireachd nan Otomanach fad fichead bliadhna.^[2] Rinn na teine mòr sgrios agus milleadh air a' bhaile ann an 1842. B' ann ann an Lugoj far an robh bunait armailteachd mu dheireadh Lajos Kossuth, mus dh'fhalbh e thall thairis ann an 1849.^[3] Bhuinneadh am baile dhan Ostair-Ungaire gu ruige 1922 nuair a ghabh Romàinia os làimh e. Bha coimhearsnachd Iùdhach a' bhaile uabhasach fhèin làidir ron Dàrna Chogadh. Chleachd an deachdaire Ion Antonescu iad mar thràillean agus chaochail mòran dhuibh san Uile-losgadh.^[4]

Daoine ainmeil

• Bela Lugosi (1882 - 1956)^[5]

Bailtean co-cheangailte

• Jena
• Korinthos
• Kriva Palanka
• Monopoli
• Nisporeni
• Orléans
• Szekszárd
• Vršac