Arquieparquía católica ucraína de Lviv

Arquieparquía católica ucraína de Lviv
Localización
	49°54′N 24°06′L
Poboación
Poboación	1.063.500 (2019) (282,32 hab./km²)
Lingua usada	lingua ucraína
Relixión	catolicismo
Xeografía
Parte de	Ukrainian Greek Catholic Metropolis of Lviv (en)
Superficie	3.767 km²
Comparte fronteira con	Ukrainian Catholic Eparchy of Sambir – Drohobych (en) , Suroeste ; Ternopil-Zboriv Archeparchy of UGCC (en) , leste ; Ukrainian Catholic Eparchy of Sokal – Zhovkva (en) , Nordés ; Arquieparquía católica ucraína de Przemyśl-Varsovia, oeste ; Ukrainian Catholic Eparchy of Stryi (en) , sur
Creación	1539 (Gregoriano)
Catedral	Catedral de San Xurxo
Páxina web	ugcc.lviv.ua

A arquieparquía de Lviv é unha sé metropolitana da Igrexa católica bizantina ucraína, parte da Igrexa católica. En 2009 tiña un total de 755.821 bautizados sobre unha poboación total de 1 068 400 habitantes. Está actualmente encabezada polo arcebispo Ihor Vozniak.

Para outras páxinas con títulos homónimos véxase: Diocese de Lviv.

Datos rápidos Localización, Poboación ...

Pechar

En 1539 fora erixida a eparquía ortodoxa de Lviv, como unha sé sucesora da eparquía de Halych, erixida a mediados do século XII e elevada ao rango de sé metropolitana en 1303, até que os títulos de metropolitano foron trasladados a Kíiv en 1401. A eparquía de Lviv rexeitou a Unión de Brest de 1596, e non foi até 1700 que a aceptou.

En 1807 a Igrexa católica ucraína foi dividida en dous para separar os territorios baixo o Imperio Ruso (metrópole de Kíiv) dos territorios baixo o Imperio Austríaco, elevando a eparquía de Lviv ao rango de metrópole e dándolle os mesmos dereitos que a de Kíiv: o 22 de febreiro, coa bula In universalis Ecclesiae, o papa Pío VII uniuna á sé de Halych e elevouna ao rango de arquieparquía metropolitana, tendo como sufragáneas ás eparquías de Chełm e de Przemyśl.

O 26 de marzo de 1885 cedeu parte do seu territorio para erixir a eparquía de Stanislaviv.

O 23 de decembro de 1963 foi erixido a arquieparquía maior da Igrexa católica bizantina ucraína, e a arquieparquía de Lviv pasou a ser a sé propia do arcebispo maior.

O 20 de abril de 1993 cedeu parte do seu territorio para erixir as eparquías de Sambir-Drohobych, de Ternopil e de Zboriv. O 25 de novembro de 1995 cedeu novamente territorio para erixir o exarcado apostólico de Kíiv-Vyshhorod, e outra vez o 21 de xullo de 2000 coa erección da eparquía de Sokal.

A sé do arcebispado maior foi transferida a Kíiv o 29 de agosto de 2005, e a arquieparquía de Lviv converteuse en sé arcebispal non metropolitana, cun ordinario propio.

O 21 de novembro de 2011 foi restaurada como arquieparquía metropolitana.