As ninfeas
From Wikipedia, the free encyclopedia
As ninfeas (en francés Les nymphéas) é un ciclo de aproximadamente dunhas trescentas pinturas realizadas en óleo que executou o pintor francés Claude Monet nas derradeiras décadas da súa vida, entre 1895 e 1926.[1] Estes lenzos exhíbense actualmente en numerosas pinacotecas de todo o mundo sobre amplos paneis, como o da ilustración, que mide 219 × 602 cm, e que se atopa no Museo da Orangerie das Tullerías, en París, Francia.
As ninfeas ('Les nymphéas') | |
---|---|
Artista | Claude Monet |
Data | 1920-1926 |
Técnica | óleo sobre tea (impresionismo) |
Dimensións | 219 cm × 602 cm |
Localización | Museo da Orangerie das Tullerías, París |
Estes inmensos paneis representan un encoro con ninfeas.
Monet pintounos para ficaren pendurados en círculo (dentro dun cuarto arredondado) de xeito que crean o efecto do transcorrer dun día ou o das catro estacións que se desvelan ante os ollos do espectador.
No Museo da Orangerie están pendurados en dúas habitacións ovais e suman oito pezas.
Esta serie de composicións cromáticas culminaron co conxunto monumental pintado para estes dous habitáculos da Orangerie de París. O 12 de abril de 1922 Monet doou ao estado francés 22 pinturas sobre este tema, que se realizaron entre 1920 e 1926.