Carlos Quiroga

José Carlos Quiroga Díaz, nado en Escairón (O Saviñao) o 9 de maio de 1961, é un escritor e lingüista galego, irmán xemelgo do tamén escritor Xabier Quiroga.

Carlos Quiroga

Biografía
Nacemento	9 de maio de 1961 (63 anos) O Saviñao, España
Datos persoais
País de nacionalidade	España
Formación profesional	Filoloxía galego-portuguesa
Educación	Universidade de Santiago de Compostela
Actividade
Ocupación	escritor , profesor universitario
Xénero artístico	Narrativa, poesía e teatro
Lingua	Lingua galega
Familia
Irmáns	Xabier Quiroga
Premios (2005)  Premio Carvalho Calero (1998)  Premio Carvalho Calero

Traxectoria

Entrevista en Nós Televisión

Doutor en Filoloxía Galego-portuguesa, foi bolseiro de investigación da Fundação Calouste Gulbenkian (1991-1992), do actual Instituto Camões (1992-1993), e da Universittà Italiana per Stranieri (1983). Antes de traballar na Universidade de Santiago de Compostela, onde é profesor de literaturas lusófonas, foi o primeiro docente de portugués nunha Escola Oficial de Idiomas de Galiza^[1]

Fundou e dirixiu a revista O Mono da Tinta, de 1987 a 1991. Durante varios anos foi director da revista de ciencias sociais e humanidades Agália. Foi un dos fundadores do proxecto editorial Letras de Cal. O Diário de Notícias portugués incluíu o seu libro Inxalá nunha colección de clásicos literarios universais.^[2]

Ademais de profesor na USC,^[3] é membro da dirección da Asociación de Escritores en Lingua Galega e tamén da Associaçom Galega da Língua.

Obras

Poesía

• G.O.N.G. -mais de vinte poemas globais e um prefácio esperançado (1999). Fundaçom Artábria.
• A Espera Crepuscular (2002). Quasi Edições/Laiovento.
• O Regresso a Arder (2005). Quasi Edições/AGAL.

Narrativa

• Periferias (1999). Laiovento. gañador do Premio Carvalho Calero de creación literaria.
• Inxalá (2006) Premio Carvalho Calero de creación literaria.
• Venezianas (2007). Quasi Edições.
• Império do Ar. Cavalgadas de Daniel em Ilha Brasil (2014). Confraria do Vento.
• Peixe Babel (2016). Urco.

Ensaio

• A imagem de Portugal na Galiza (2016). Através..
• Raízes de Pessoa na Galiza (2018). Através.^[4]

Teatro

• Il Castello nello Stagno di Antela - O Castelo da Lagoa de Antela (2004).^[5]

Obras colectivas

• XVIII Festival da Poesia do Condado (S. C. D. Condado, 2004).
• O Crânio de Castelao (Através, 2013).
• Desassossego (Mombak, 2014).
• O Dia da Toalha na Galiza (Através, 2014).

Premios

• Premio da Mostra de Teatro Infantil de Ferrolterra no 1988, por O Castelo da Lagoa.
• Premio Carvalho Calero de narrativa no 1998, por Periferias.
• Premio Carvalho Calero de narrativa no 2005, por Inxalá.
• XXV Premio Vicente Risco das Ciencias Sociais en 2021 coa obra titulada A costela galega de Eça de Queirós.^[6]

Notas

1. PGL Arquivado 16 de abril de 2015 en Wayback Machine., consultado o 11 de xaneiro de 2011.
2. Carlos Quiroga na Biblioteca de Verão Arquivado 18/10/2019, en Wayback Machine., Diário de Notícias, 26/07/2010
3. "Horario del profesor - Facultad de Filología - USC". www.usc.es. Consultado o 2020-05-09.
4. "Las raíces gallegas de Pessoa". La Voz de Galicia (en castelán). 2018-03-25. Consultado o 2020-05-09.
5. Premio de Teatro infantil na Mostra de Ferrolterra en 1988, publicado en Italia en galego e italiano
6. Diario, Nós. "O escritor Carlos Quiroga faise co Vicente Risco de Ciencias Sociais". Nós Diario. Consultado o 2021-05-25.

Véxase tamén

Ligazóns externas

• Carlos Quiroga na páxina web da Asociación de Escritoras e Escritores en Lingua Galega.