![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/f/f1/Deb_Haaland%252C_official_portrait%252C_116th_Congress_%2528cropped%2529.jpg/640px-Deb_Haaland%252C_official_portrait%252C_116th_Congress_%2528cropped%2529.jpg&w=640&q=50)
Deb Haaland
política estadounidense / From Wikipedia, the free encyclopedia
Debra Anne Haaland, nada o 2 de decembro de 1960, é unha política estadounidense do pobo keres que serve como o 54º secretaria de Interior dos Estados Unidos de América.[1] Membro do Partido Demócrata, foi presidenta do Partido en Novo México dende 2015 até 2017 e foi congresista polo 1º distrito de Novo México dende 2019 até 2021. É membro da tribo federalmente recoñecida como "Laguna Pueblo".
O distrito no Congreso de Haaland inclúe a maioría de Albuquerque e moitos dos seus suburbios. Xunto con Sharice Davids, é unha das dúas primeiras mulleres nativas americanas elixidas para o Congreso dos Estados Unidos. É unha política progresista que apoia o Green New Deal e "Medicare for All".[2][3]
O 17 de decembro de 2020, o presidente Joe Biden anunciou que nomearía a Haaland como Secretaria de Interior. O seu nomeamento foi confirmado polo Senado dos Estados Unidos de América o 15 de marzo de 2021, por 51 a prol e 40 en contra.[4] Logo do seu xuramento o 16 de marzo de 2021, converteuse na primeira nativa americana en servir como secretaria do gabinete e a segunda dentro desta institución, despois do republicano da nación kaw Charles Curtis.[5][6]