Sharice Davids
From Wikipedia, the free encyclopedia
Sharice Lynnette Davids,[1] nada en Frankfurt o 22 de maio de 1980, é unha avogada, exloitadora de artes marciais mixtas e política estadounidense do pobo ho-chunk que serve como o Representante de Kansas no 3º distrito dende 2019.[2] Membro do Partido Demócrata, representa un distrito que inclúe a maioría da área metropolitana de Kansas City, incluíndo cidades como Kansas City, Overland Park, Prairie Village, Leawood, Lenexa e Olathe.
Biografía | |
---|---|
Nacemento | 22 de maio de 1980 (44 anos) Frankfurt, Alemaña |
Membro da Cámara de Representantes dos Estados Unidos | |
3 de xaneiro de 2021 – Lexislatura: 117º Congresso dos Estados Unidos (pt) Circunscrición electoral: Kansas's 3rd congressional district (en) | |
Membro da Cámara de Representantes dos Estados Unidos | |
3 de xaneiro de 2019 – 3 de xaneiro de 2021 Lexislatura: 116º Congresso dos Estados Unidos (pt) Circunscrición electoral: Kansas's 3rd congressional district (en) | |
Datos persoais | |
País de nacionalidade | Estados Unidos de América Ho-Chunk Nation of Wisconsin (en) |
Educación | Universidade Cornell - Juris Doctor Leavenworth High School (en) Cornell Law School (en) University of Missouri–Kansas City (en) Johnson County Community College (en) |
Actividade | |
Ocupación | política , avogada , loitadora de artes marciais mixtas |
Partido político | Partido Demócrata |
Deporte | artes marciais mixtas |
Premios
| |
Páxina web | shariceforcongress.com |
Elixida nas eleccións de 2018, Davids converteuse na primeira demócrata elixida como representante dun distrito de Kansas nunha década.[3] Davids é a primeira persoa nativa americana abertamente LGBT en ser elixida para o Congreso dos Estados Unidos de América, a primeira persoa abertamente lesbiana elixida para o Congreso por Kansas, e unha das dúas mulleres nativas americanas elixidas no Congreso, xunto con Deb Haaland de Novo México.[4][5][6] Derrotou a Kevin Yoder nas eleccións de 2018. É a segunda persoa nativa americana en representar a Kansas no Congreso, despois do republicano Charles Curtis. No ano 2020, Davids foi a única demócrata da delegación de Kansas no Congreso. En marzo de 2021, converteuse na única demócrata nativa americana, logo da renuncia de Deb Haaland para converterse en Secretaria de Interior.