![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/8/86/%25D0%2592%25D0%25B5%25D1%2582%25D0%25B2%25D0%25B8%25D1%2581%25D1%2582%25D0%25BE%25D1%2583%25D1%2581%25D1%258B%25D0%25B5_%25D1%2580%25D0%25B0%25D0%25BA%25D0%25BE%25D0%25BE%25D0%25B1%25D1%2580%25D0%25B0%25D0%25B7%25D0%25BD%25D1%258B%25D0%25B5.jpg/640px-%25D0%2592%25D0%25B5%25D1%2582%25D0%25B2%25D0%25B8%25D1%2581%25D1%2582%25D0%25BE%25D1%2583%25D1%2581%25D1%258B%25D0%25B5_%25D1%2580%25D0%25B0%25D0%25BA%25D0%25BE%25D0%25BE%25D0%25B1%25D1%2580%25D0%25B0%25D0%25B7%25D0%25BD%25D1%258B%25D0%25B5.jpg&w=640&q=50)
Diplostraca
From Wikipedia, the free encyclopedia
Os Diplostraca (diplostráceos) ou Cladocera (cladóceros[2]), xeralmente chamados pulgas de auga[2], son unha superorde de pequenos crustáceos que se alimentan de partículas diminutas de materia orgánica (hai tamén algunhas formas predadoras).[1]
Diplostraca Rango fósil: Xurásico-Actualidade | |||||||||||
---|---|---|---|---|---|---|---|---|---|---|---|
![]() | |||||||||||
Clasificación científica | |||||||||||
| |||||||||||
Ordes[1] | |||||||||||
| |||||||||||
Sinonimia[1] | |||||||||||
|
Ata agora recoñecéronse unhas 1.000 especies desta superorde, e moitas máis están aínda sen describir.[1][3][4][5][6] Os fósiles máis antigos dos Diplostraca datan do Xurásico, aínda que a moderna morfoloxía destes fósiles suxire que se orixinaron bastante antes, durante o Paleozoico. A maioría son de augas doces, pero algúns adaptáronse tamén á vida no océano, e son os únicos Branchiopoda que o fixeron, aínda que os Anostraca viven en lagos hipersalinos.[7] A maioría son de 0,2 a 6,0 mm de longo, teñen unha cabeza xirada cara a abaixo cun único ollo composto medial e un exoesqueleto que lles cobre o tórax e o abdome, aparentemente non segmentados. A maioría das especies presenta unha partenoxénese cíclica, na que a reprodución asexual é ocasionalmente suplementada con reprodución sexual, a cal produce ovos de repouso moi resistentes, que permiten a estas especies sobrevivir a duras condicións e espallarse a hábitats distantes.