Estación de Lorca-Sutullena

Lorca-Sutullena é unha das dúas estacións de ferrocarril do centro urbano de Lorca, na Rexión de Murcia, xunto á estación de Lorca - San Diego. Está incluída dentro da rede de estacións de Adif e parte da liña Murcia-Águilas do Ferrocarril do Almanzora. Está situada xunto á Praza de Carruajes, próxima ao centro de Lorca e xunto á Praza de Touros de Sutullena.

Lorca-Sutullena
Fachada da estación
Situación	Lorca
Servizos
Liñas
Longa Distancia	Talgo
Cercanías	(Proximidades Murcia/Alacant)
Intermodalidade
Bus

Ten parada dos trens da liña C-2 de Proximidades Murcia/Alacant e é estación termo dun tren Talgo procedente de Barcelona, xa que as vías que continúan en dirección a Águilas non están preparadas para que circule este tren. Tres dos 16 trens de proximidade que por aquí pasan procedentes de Murcia si continúan ata o final da liña en Águilas.

Historia

En 1876 solicítase unha concesión do tramo entre Alcantarilla e Lorca. Non chega esta sección ata Murcia, porque nesa data está xa construído e en explotación a liña Chinchilla-Cartaxena, que pasa por Alcantarilla e Murcia, e o tramo comprendido entre estes dous puntos podía así utilizarse. A concesión outórgase, pois, só de Alcantarilla a Lorca, e co título do ferrocarril deste nome constitúese unha compañía que o constrúe. Neste momento inaugúrase a estación de Lorca-Sutullena.

A estación era entón terminal ata que se inaugurou o tramo Almendricos-Lorca en 1890 que permitiu que os trens circulasen entre Lorca e Águilas. Dous anos máis tarde, en 1892, inaugurouse un breve tramo de 171 m que permitiu a continuidade da liña desde Murcia ata Águilas, que tras en peche do Ferrocarril do Almanzora converteuse nunha liña de proximidades.

Servizos ferroviarios

Longa Distancia

Tren	Destino	Estacións do percorrido	Frecuencia
Talgo	Montpellier Saint-Roch[1]	Totana · Alhama de Murcia · Murcia del Carmen · Orihuela · Elx-Parc · Alacant-Terminal · Elda-Petrer · Villena · Xàtiva · València-Nord · Castelló de la Plana · Benicàssim · Benicarló-Peñíscola · Vinaròs · L'Aldea-Amposta-Tortosa · Salou · Tarragona · Barcelona · Xirona · Figueres · Portbou · Cerbère · Perpiñán · Narbona · Béziers	1 tren ao día

Proximidades

Liñas que prestan servizo na estación

Destino/orixe	< Estación !	Liña	Estación >	Orixe/destino
terminal			Lorca-San Diego	Murcia del Carmen
Águilas	Puerto Lumbreras

Notas

1. En sentido contrario procede de Barcelona-Sants, xa que o procedente de Montpellier diríxese a Cartagena.