Linguaxe de programación Oz

Oz foi orixinalmente desenvolvido no laboratorio de Programación de Sistemas na Universidade de Saarland por Gert Smolka e os seus estudantes a comezos de 1990. En 1996 o desenvolvemento de Oz continuou en cooperación co grupo de investigación de Seif Haridi no Instituto Sueco de Ciencias da Computación. Desde 1999, Oz foi continuamente desenvolvido por un grupo internacional, o Consorcio Mozart, que estivo composto orixinalmente pola Universidade de Saarland, o Instituto Sueco de Ciencias da Computación, e a Universidade Católica de Louvain. En 2005, a responsabilidade de xestionar o desenvolvemento de Mozart foi transferida a un grupo base, o Taboleiro Mozart, co propósito expreso de abrir o desenvolvemento de Mozart a unha comunidade maior.

Para outras páxinas con títulos homónimos véxase: Oz.

Oz
Paradigma	multi-paradigma, lóxica, funcional, imperativa, orientada a obxectos,con restricións, distribuída, concorrente
Data	1991
Deseñador	Gert Smolka e os seus estudantes
Tipo de dato	dinámico
Influído por	Prolog
Sistema operativo	Multiplataforma
Web	www.mozart-oz.org

Oz ten unha implementación de gran calidade, o Sistema de Programación Mozart, o cal foi liberado cunha licenza de Código Aberto polo Consorcio Mozart. Mozart foi portado a diferentes plataformas como Unix, FreeBSD, Linux, Microsoft Windows, e Mac OS X.

Características da linguaxe

Oz contén unha forma simple e ben feita da maioría dos conceptos dos principais paradigmas de programación, incluíndo programación lóxica, funcional, imperativa, orientada a obxectos, con restricións, distribuída, concorrente. Oz ten unha semántica formal simple e unha implementación eficiente, o Sistema de Programación Mozart. Oz é unha linguaxe orientada á concorrencia, termo introducido por Joe Armstrong, o principal deseñador da linguaxe Erlang. Unha linguaxe orientada á concorrencia fai á concorrencia fácil de usar e eficiente.

Como complemento á programación multiparadigma, as principais vantaxes de Oz radican na programación con restricións e a programación distribuída. Debido ao seu deseño, Oz implementa un modelo de programación distribuído que fai á rede transparente. Este modelo fai fácil programar aplicacións abertas e tolerantes a fallas na linguaxe. Para Programación con restricións, Oz introduce a idea de espazos de computación, os cales permiten procuras definidas polo usuario e estratexias de distribución que son ortogonais ao dominio de restricións.

O programa "¡Ola Mundo!" en Oz

  declare
  {Browse 'Hello World'}

Ligazóns externas

• Titorial de Oz(en inglés)