Moedas conmemorativas de Suíza
artigo de listas da Wikimedia / From Wikipedia, the free encyclopedia
As moedas conmemorativas de Suíza abranguen as emisións en francos suízos de carácter conmemorativo efectuadas pola Confederación Suíza e cuñadas na Casa da Moeda de Suíza, en Berna, a partir de 1936.
Malia estaren dotadas de curso legal, na súa maioría non foron concibidas para o seu uso nos pagamentos correntes, dado que o seu prezo de compra está adoito por riba do seu valor nominal, senón que a súa emisión está destinada ao coleccionismo numismático e ao investimento.
En tanto que o Banco Nacional Suízo é o respondable de determinar as emisións de moedas para a circulación, no caso das moedas conmemorativas de colección é a propia Swissmint a que exerce esta responsabilidade. Os beneficios da comercialización das moedas conmemorativas son utilizados pola Confederación para o apoio financeiro a diversos proxectos culturais en Suíza.[1]