Onda, Castelló

Onda é un concello do País Valenciano situado na comarca da Plana Baixa.

Para outras páxinas con títulos homónimos véxase: Onda.

Onda, Castelló

Bandeira Brasón
Localización
39°57′47″N 0°15′55″O
Estado	España
Comunidade autónoma	Comunidade Valenciana
Provincia	Castelló
Comarca da Comunidade Valenciana	Plana Baixa
Capital	Onda (en)
Poboación
Poboación	25.547 (2023) (235,63 hab./km²)
Lingua oficial	lingua catalá (lingua predominante)
Xeografía
Superficie	108,42 km²
Altitude	194 m
Comparte fronteira con	L'Alcora Fanzara Ribesalbes Tales Castelló de la Plana Artana Betxí Almassora Vila-real
Creación	300 a. C.
Santo padrón	Roque de Montpellier e Virxe do O
Organización política
• Alcalde	Carmina Ballester (en)
Identificador descritivo
Código postal	12200
Fuso horario	UTC+01:00
Código INE	12084
Código ARGOS de concellos	12084
Outro
Irmandado con	Fiorano Modenese (pt) Alzira Montendre
Páxina web	onda.es

Xeografía

Onda está situada ao norte do País Valenciano, na comarca da comarca, provincia de Castelló. O seu termo municipal, que cos seus 108,84 km² é un dos máis grandes da provincia, atópase situado no interior, a tan só uns 20 km da costa, na zona intermedia entre a Serra d'Espadà e a chaira de La Plana, que se estende até o mar Mediterráneo. Esta situación converte a Onda nun punto estratéxico natural de entrada á Serra d'Espadán desde a costa, o que condicionou a historia de Onda e axuda a entender a importancia que no seu día tivo o seu castelo.

Dous ríos atravesan Onda, o río Millars, ao norte e afastado do núcleo urbano, e o río Sonella, ao sur e bordeando a poboación. O pantano do Sitjar, construído na canle do río Millars, atópase tamén no termo municipal. O pico máis alto do termo municipal é o Montí, con 608 m. Un montículo de 284 m, en cuxa cima se atopa o Castelo, preside a poboación.

Na paisaxe destaca a presenza de bosque mediterráneo (piñeiros, aciñeiras, sobreiras e algún albedro), alfarrobeiras, oliveiras, amendoeiras e, sobre todo, cítricos, especialmente laranxeiras, a cuxo cultivo se dedican extensas superficies do termo municipal.

Accédese a esta vila desde Castelló de la Plana tomando a CV-10 para enlazar coa CV-20.

Barrios e pedanías

A maior parte da poboación concéntrase no núcleo urbano, aínda que Onda conta cunha pedanía, Artesa, situada a 1,5 km, en dirección a Tales.

Tamén existen diversos barrios (El Tosalet, Mont Blanc, Ratxolar de Matilda, Nueva Onda) situados na periferia do núcleo urbano e lixeiramente separados del.

Localidades limítrofes

Onda limita con outros 9 concellos que, comezando polo norte e seguindo en sentido horario, son os seguintes: l'Alcora, Castelló de la Plana, Almassora, Vila-real, Betxí, Artana, Tales, Fanzara e Ribesalbes.

Demografía

O número de habitantes de Onda sufriu dende 1900 dous incrementos importantes polo seu volume e rapidez. Durante finais dos anos 50 do século XX e a década de 1960 a poboación practicamente duplicouse, debido á chegada de inmigrantes provenientes na súa maior parte de zonas do sur de España (Murcia, Andalucía e Albacete basicamente). Dende o ano 2000, aproximadamente, está a vivirse un novo "boom" demográfico causado tamén pola inmigración, neste caso de persoas que proveñen de Romanía, o Magreb e América do Sur.

Evolución demográfica

1900	1910	1920	1930	1940	1950	1960	1970	1981	1990	1992	1994	1996	1998	2000	2002	2004	2007	2008
6.595	7.027	6.631	7.472	7.304	8.696	12.414	15.131	17.363	18.351	18.047	18.633	18.680	18.909	19.303	20.326	21.566	24.140	24.140

Economía

As principais actividades económicas de Onda son dúas:

• Industrias do sector cerámico. A fabricación de azulexos e pavimentos, que son exportados a todo o mundo, é o principal motor da economía ondeira.
• Cultivo de cítricos.

Actualmente existen un gran número de polígonos industriais nos que a actividade é moi diversa: carpintaría metálica, fabricación de bañeiras e duchas, subministracións industriais, talleres de mecánica e de chapa, carpintarías etc.