Portland, Oregón
cidade do estado de Oregón, nos Estados Unidos From Wikipedia, the free encyclopedia
Portland é a maior cidade do estado de Oregón, no noroeste dos Estados Unidos.[1] Situada á beira do río Willamette na súa confluencia co Columbia, é un importante porto fluvial, centro comercial, industrial e de servizos.[2]
Para outras páxinas con títulos homónimos véxase: Portland.
Portland (en)  | |||||
| |||||
| Nomeado en referencia a | Portland | ||||
|---|---|---|---|---|---|
| Localización | |||||
| |||||
| Estado | Estados Unidos de América | ||||
| Estado federado | Oregón | ||||
County of Oregon (en)  | Condado de Multnomah (pt) | ||||
| Capital de | |||||
| Poboación | |||||
| Poboación | 652.503 (2020) (1.736,28 hab./km²) | ||||
| Número de fogares | 277.142 (2020) | ||||
| Xeografía | |||||
| Situado na entidade territorial estatística | Portland metropolitan area (en) (Poboación:2.512.859) | ||||
| Parte de | |||||
| Superficie | 375,805526 km² | ||||
| Auga | 8,0359 % (1 de abril de 2010) | ||||
| Bañado por | Río Willamette e Río Columbia | ||||
| Altitude | 152 m | ||||
| Organización política | |||||
| • Mayor of Portland, Oregon (en) | Ted Wheeler (pt) (2017–) | ||||
| Identificador descritivo | |||||
| Código postal | 97086–97299 | ||||
| Fuso horario | |||||
| Prefixo telefónico | 503 e 971 | ||||
| Outro | |||||
| Irmandado con | |||||
| Páxina web | portlandoregon.gov | ||||
   | |||||
A poboación da cidade aumentou desde os 583.776 habitantes de seu rexistrados no censo de 2010, alcanzando os 652.503 en 2020.[3]
A súa área metropolitana alberga a máis de dous millóns de persoas.
Portland está posicionada no val do río Willamette. A cidade está flanqueada polos montes Tualatin ao sur, pola cadea montañosa das Cascadas ao leste, e polo río Columbia ao norte, ofrecendo unha paisaxe diversa. Esta posición xogou un papel crucial no seu desenvolvemento como un importante centro de comercio e transporte, aproveitando a súa proximidade aos ríos e a súa conexión co océano Pacífico.
O monte Hood, situado a uns 80 quilómetros ao leste de Portland, é o cumio máis alto de Oregón e un dos volcáns máis prominentes da cadea das Cascadas, elevándose a unha altitude de 3.429 metros. O seu cumio nevado é visíbel de moitos puntos da cidade, converténdose nun símbolo icónico de Portland. A zona ao redor do monte Hood ofrece moitas oportunidades para actividades ao aire libre, incluíndo sendeirismo, esquí e alpinismo.
Século XIX
En terras ocupadas durante séculos polos indios chinook e coñecida dos colonos, comerciantes e trampeiros "brancos" dende 1829 coma The Clearing (unha pequena parada na ruta do noroeste pola costa) foi fundada entre 1843 e 1845 polos pioneiros W. Overton, A. Lovejoy e F.W. Pettygrove, este último natural de Portland (Maine) noutro extremo do país, e por quen foi nomeada.
Creceu como centro de fornecemento dos buscadores de ouro durante as febres do ouro en California (1850) e Alasca (1890). O ferrocarril transcontinental, que a partir de 1880 a conectaba co leste dos Estados Unidos, favoreceu a súa industrialización.
Século XX
Na primeira metade do século XX, a cidade continuou a expandirse e modernizarse, a pesar dos retos da Gran Depresión e das dúas guerras mundiais. Nos anos 60 e anos 70, Portland foi pioneira en políticas de planificación urbana e protección ambiental, establecendo un límite de crecemento urbano para preservar terras agrícolas e espazos verdes, e fomentando o transporte público.
Portland é coñecida pola súa forte economía, cunha boa presenza de industrias como a tecnoloxía, a fabricación en cadea e o comercio. Tamén é un importante centro para as industrias creativas, incluíndo a arte, música e deseño. A axencia pública de desenvolvemento Prosper Portland opera baixo a supervisión dun consello directivo e traballa en colaboración coa Alcaldía e o Consello Municipal de Portland, así como con outras entidades públicas, empresas privadas e comunidades locais.[4]
A cidade é famosa pola súa vida cultural vibrante, con numerosos museos, galerías de arte, teatros e espazos musicais.
Portland ten tamén unha grande cultura do café e a cervexa artesanal, con moitas cervexerías e cafeterías locais.
A cidade ten unha rede de escolas públicas e privadas de educación primaria e secundaria e alberga tamén varias institucións de ensino superior, incluíndo a Universidade de Portland (University of Portland) e a Universidade Estatal de Portland (PSU).
- "Portland ; History, Description, Map, & Facts". www.britannica.com (en inglés). 2023-10-26. Consultado o 2023-10-28.
- "Portland, Oregon - The Official City Guide". The Official Guide to Portland (en inglés). Consultado o 2023-10-28.
- "U.S. Census Bureau QuickFacts: Portland city, Oregon". www.census.gov (en inglés). Consultado o 2023-10-28.
- Norwood, Lisa. "Frequently Asked Questions". Prosper Portland (en inglés). Consultado o 2023-10-28.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
