Unión dinástica
unión de varios reinos, Estados, dominios… so un mesmo soberano From Wikipedia, the free encyclopedia
unión de varios reinos, Estados, dominios… so un mesmo soberano From Wikipedia, the free encyclopedia
Unión dinástica é a unión de varios reinos, Estados, dominios ou calquera outro título de soberanía[lower-alpha 1] baixo un mesmo soberano ou gobernante por dereito dinástico. Como consecuencia de tal tipo de unión, os reinos, Estados, dominios ou títulos así unidos non foron integrados ou fusionados, senón que a mesma persoa posúe cada un deles de xeito independente; e, xeralmente, os dominios do título manteñen as súas propias institucións e lexislación (particularismo). Distínguense dous tipos:
Na maioría dos casos trátase dunha unión persoal. Dita unión pertence a unha dinastía ou familia, mais non é unión política, senón patrimonial. Os títulos ou dominios forman parte do patrimonio da casa reinante. Unha situación bastante común na Idade Media e no Antigo Réxime foi a unión de Estados vasalos baixo un mesmo soberano, cando este os herdaba por dereito natural; ou baixo un matrimonio de soberanos. Os resultados de tales unións non eran froito do azar, senón da política matrimonial que constituía a parte principal das relacións internacionais da época. No entanto, a imprevisíbel continuidade dos matrimonios concertados (por razóns persoais, biolóxicas ou políticas), así como a supervivencia ou non dos herdeiros, podía frustrar doadamente os proxectos de unións dinásticas.
Os títulos soberanos son aqueles que corresponden aos reis ou príncipes ―calquera que sexa a súa denominación― que exercen potestades soberanas. A súa esfera de actuación e de poder áchase moi por riba da que corresponde aos títulos nobiliarios, que están nidiamente subordinados á Coroa. A Coroa ou o Soberano constitúese en fons honorum ou fonte de onde dimana a graza que crea títulos nobiliarios. O título soberano exerce potestades efectivas de tipo político, mentres o nobiliario é estritamente honorífico. O título soberano pertence á esfera do dereito público, mentres o nobiliario encádrase na do dereito privado.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.