Ápidos

A dos ápidos (Apidae) é unha familia de insectos da orde dos himenópteros, suborde dos apócritos, unha das numerosas comprendidas na superfamilia dos apoideos.

Ápidos Apidae
Bombus sp.
Clasificación científica
Reino: Animalia Filo: Arthropoda Clase: Insecta Orde: Hymenoptera Suborde: Apocrita Superfamilia: Apoidea Familia: Apidae Latreille, 1802
Subfamilias
Véxase o texto

Artigo principal: Abella.

Constitúe un numeroso grupo de abellas que inclúe a abella común (Apis mellifera), a máis coñecida, as abellas sen aguillón, as abellas parasitas, e os abesouros, ademais doutros grupos menos coñecidos, como as abellas albanel ou osmia.^[1][2]

Moitas das súas especies son valiosas polinizadoras en hábitats naturais e nos cultivos agrícolas.^[3]

Taxonomía

Descrición

A familia foi descrita en 1802 polo entomólogo francés Pierre André Latreille.

Etimoloxía

O nome científico Apidae está formado polos elementos do latín científico ap- e -ĭdea. O primeiro é a raíz do nome do seu xénero tipo, Apis, e o segundo é o sufixo empregado para formar os nomes das familias de animais.^[4]

Subfamilias

A familia comprende tres subfamilias:^[5]

• Apinae, que comprende as abellas propiamente ditas, e entre elas as abellas produtoras de mel.
• Nomadinae, as abellas parasitas.
• Xylocopinae, as chamadas abellas carpinteiras.

Galería

• 
  Eucera longicornis
• 
  Anthophora sp.
• 
  Mormodes buccinator
• 
  Xylocopa sp.
• 
  Bombus sp.
• 
  Abella cuco