ARNr 28S

O ARNr 28S (ou 28S rRNA) é un tipo de ARN ribosómico cun coeficiente de sedimentación de 28 uniddes svedberg (28S) que é un compoñente estrutural da subunidade maior do ribosoma citosólico eucariota, polo que está presente en todas as células eucariotas.^[1] É o homólogo eucariota nuclear do ARNr 23S procariota.^[2]

Filoxenias dos ADN ribosómico 28S nuclear e do 16S mitocondrial de tres especies de moluscos pertencentes o xénero Waldo.

Uso en filoxenia

Os xenes que codifican o ARNr 28S denomínanse ADNr 28S (ou 28S rDNA). A comparación das secuencias destes xenes utilízase ás veces en análises moleculares para construír árbores filoxenéticas, por exemplo en protistas,^[3] fungos,^[4] insectos,^[5] tardígrados,^[6] e vertebrados.^[7][8]

Bases de datos

Existen varias bases de datos que proporcionan aliñamentos e anotacións de secuencias dos ARNr da subunidade maior ribosómica (LSU) con fins comparativos:

• RDP,^[9] o Ribosomal Database Project;^[10][11]
• SILVA, un proxecto de base de datos de xenes de ARN ribosómico.^[12]