Torneo de Roland Garros

O Tournoi de Roland-Garros (en galego: "Torneo de Roland Garros") é un evento de tenis que se leva a cabo desde finais de maio ata comezos de xuño en París, Francia e é segundo dos torneos mundiais de Grand Slam.

Torneo de Roland Garros

Nome na lingua orixinal	(fr) Internationaux de France de tennis
Tipo	torneo de tenis con múltiples edicións
Deporte	tenis de mesa
Tipo de superficie	terra batida
Epónimo	Roland Garros
Organizador	Federación Francesa de Tenis
Parte de	Grand Slam
Localización  e  Datas
Localización	Stade Roland Garros (16º distrito de París) 48°50′47″N 2°14′58″L
País	Francia
Vixencia	1891 –
Calendario da tempada	maio –
Período de ocorrencia	1 ano
Outro
Páxina web oficial	rolandgarros.com

Logotipo do torneo de Roland Garros

Comezou como un torneo nacional en 1891. En 1925 o "Campionato Francés" abriuse a competidores internacionais, desenvolvéndose nunha superficie de céspede alternativamente entre o Racing Club de France e o Stade Français. Para o desafío de Copa Davis do ano 1928 construíuse un novo estadio de tenis na Porte d’Auteuil, onde se segue celebrando o torneo. Chamado "Stade Roland Garros" na honra de Roland Garros, un heroe da primeira guerra mundial; ten unha cancha de terra batida (terre battue) que altera o rebote da pelota e o achegamento dos xogadores.

En 1968 o campionato francés foi o primeiro torneo de Grand Slam en ser "aberto", permitindo a competición de xogadores afeccionado e profesionais.

Os gañadores en 1980, Björn Borg, e en 2008, Rafael Nadal, venceron sen perder nin un só set en todo o torneo.

Campións

• Individual masculino
• Individual feminino
• Dobres masculinos
• Dobres femininos
• Dobres mixto

Datos

Récords masculinos da era "open"

• Rafael Nadal (España), gañou 14 títulos en individuais, posuíndo a marca absoluta, tanto en homes coma en mulleres, do maior número de títulos nun torneo de Grand Slam e en calquera torneo da ATP.
• Henri Cochet (Francia), gañou entre todas as competicións 9 títulos (4 individuais, 3 dobres, 2 dobres mixtos).
• Roy Emerson (Australia), conquistou 6 veces o título en dobres.
• Guillermo Vilas (Arxentina) gañou a final de 1977 en 1 hora 51 minutos sendo esta a final máis curta deste Grand Slam

Récords femininos da era "open"

• Margaret Smith Court (Australia) gañou entre todas as competicións 13 títulos (5 individuais, 4 dobres, 4 dobres mixtos).
• Chris Evert (Estados Unidos) obtivo 7 veces o título de individuais, seguida por Steffi Graf (Alemaña), 6 veces.
• Helen Wills Moody (Estados Unidos), Hilde Sperling (Alemaña), Monica Seles (Iugoslavia/Estados Unidos) e Justine Henin (Bélxica), gañaron 3 veces consecutivas o título en individuais aínda que Helen Wills Moody e Justine Henin posúen ademais un cuarto título.
• Martina Navrátilová (Checoslovaquia/Estados Unidos) obtivo 7 títulos en dobres.

Ligazóns externas

• Sitio oficial de Roland Garros
• Fonte do tenis do Canadá - Canada's Tennis Source (en inglés)
• Torneo de Roland Garros no ina.fr : máis de 600 horas Arquivado 05 de decembro de 2012 en Archive.is (en francés)
• Mapas e fotos de Coordenada:48°50′49.79″N 2°14′57.18″E