Pradairo real

O pradairo real^[1] (Acer platanoides), tamén coñecido coma pradairo noruegués, é unha especie arbórea pertencente á familia das aceráceas. Non aparece en Galiza de xeito espontáneo, atopándose coma ornamental nalgúns parques e xardíns.

Pradairo real
Follas do pradairo real
Clasificación científica
Reino: Plantae Subreino: Tracheobionta División: Magnoliophyta Clase: Magnoliopsida Subclase: Rosidae Orde: Sapindales Familia: Aceraceae Xénero: Acer Especie: A. platanoides
Nome binomial
'Acer platanoides' L.
Distribución Distribución

Distribución e hábitat

Medra en Europa, o Cáucaso, e Asia Menor. Na Península Ibérica a súa presenza limítase aos Pireneos e cultivares ornamentales.^[2][3] Medra ben en solos fondos en medios de faiais, carballeiras e pradeira, en zonas de tebras. Prefire un substrato rico en substancias nutritivas.

Descrición

Pradairo real

É un árbore caducifolia que pode acadar até 35 m de altura, aínda que o habitual é que non supere os 25 m. Presenta unha casca lisa e cinsenta clara. As follas son palmadas e dentadas. As flores son de cor verde amarelenta e se dispoñen en panículas. O froito, sámara, constitúeno dúas noces unidas con ás formando entre si un ángulo.^[4][5][6][7]

Especies semellantes

En Europa hai dúas especie de pradairos moi semellantes que se poden confundir de xeito doado. As dúas especies presentan exemplares elevados, que poden acadar até 30–35 m de altura.

Acer platanoides

Especies	pradairo real (Acer platanoides)	pradairo bravo ou común (Acer pseudoplatanus)
Casca das árbores adultas	Lisa, vai ter fendas verticais coa idade	Semellante á do plátano oriental, despréndese en placas
Gomos	de cor granate	de cor verde
Follas	Hai cultivares con follas de cor vermella púrpura	Son de cor verdes
Flores	Aparecen no momento de se abrir os gomos	Aparecen pouco despois das follas
Froitos (sámaras)	As sámaras atópanse na base das franzas e ten as sementes aplanada.	As sámaras atópanse nas franzas e teñen a semente redonda.

Observacións

As flores aparecen no momento de se abrir os gomos

As sámaras teñen a semente aplanada.

As follas dalgúns cultivares poden ser cor vermella púrpura

Casca da árbore adulta

Esta árbore pode chegar aos 150-200 anos, considerabelmente menor que outras especies de pradairos. O nome do xénero xa era empregado polos romanos ("acer": rexo, duro). Segundo outros autores, o seu nome deriva da voz celta "ac", espiña oo punta, por se ter utilizado para fabricar puntas de lanza. É sensíbel a unha micose ocasionada polo fungo Rhytisma acerinum, o que lle ocasiona unhas tacas semellantes ao alcatrán nas súas follas.

Sinonimia

Acer platanoides cv. Schwedleri.

subsp. platanoides Acer acutifolium St. Lager Acer dasyphillum Nicholson Acer dobrudschae Pax Acer fallax Pax Acer lactescens Steud. Acer laetum var. cordifolium Kanitz Acer platanifolium Stokes nom. illeg. Acer platanoides L. Acer platanoides f. drummondii (Drummond ex Schwer.) Geerinck Acer platanoides f. erectum A.D.Slavin

Acer platanoides f. meyeringii Geerinck Acer platanoides var. drummondii Drummond ex Schwer. Acer platanoides var. laciniatum Hovey (= 'Laciniatum') Acer rotundum Dulac nom. illeg. Euacer platanoides (L.) Opiz subsp. turkestanicum (Pax) P.C.de Jong Acer cappadocicum subsp. turkestanicum (Pax) A.E.Murray Acer laetum var. regelii Pax Acer lobelii Bunge nom. illeg. Acer regelii Pax Acer turkestanicum Pax[8]