Acre, Israel

Acre^[1] (en hebreo: עכו, "Akko"; en árabe: عكّا, "Akkā") é unha cidade de Israel, situada no Distrito do Norte, na beira do mar Mediterráneo. En 2003 tiña 45 600 habitantes, 75 % de xudeus e 25% árabes. Acre é a sede do xefe da Fe Bahá'í.

Para outras páxinas con títulos homónimos véxase: Acre.

Acre, Israel

עַכּוֹ (he) عكّا (ar)
Localización
32°55′34″N 35°05′02″L
Estado	Israel
Distrito	Distrito Norte
Subdistrito	Acre Subdistrict (en)
Capital de	Acre Subdistrict (en) Acre Subdistrict (en)
Poboación
Poboación	48.900 (2018) (3.613,39 hab./km²)
Xeografía
Superficie	13,533 km²
Altitude	10 m
Datos históricos
Precedido por	Saint John of Acre (en)
Creación	1500 a. C.
Evento clave 6 de maio de 1104 Siege of Acre (en) 28 de agosto de 1189 Cerco de Acre (pt) 4 de abril de 1291 Cerco de Acre de 1291 1799 Cerco de Acre (1799)
Organización política
Membro de	Organización das Cidades do Patrimonio Mundial
Identificador descritivo
Prefixo telefónico	972 4
Outro
Irmandado con	Pisa Deerfield Beach (pt) Nagykanizsa Bregenz Bielsko-Biała Recklinghausen La Rochelle (1972–) Saint-Mandé (2011–) Trakai (2015–)
Patrimonio da Humanidade
Tipo	Patrimonio cultural  → Europa-América do Norte
Data	2001, 2001 (?ª Sesión), Criterios de Patrimonio da Humanidade: (ii), (iii) e (v)
Identificador	1042
Sitio web	akko.muni.il

Historia

Véxase tamén: Cerco de Acre de 1291.

Acre identifícase coa Aak, cidade tributaria de Thutmose III e coa Akka dos rexistros de Amarna. No Antigo Testamento aparece unha vez co nome de Acco. No ano 700 a.C. a cidade caeu en poder dos asirios. No 332 a.C. conquistouna Alexandre Magno, e no século III a.C. Tolomeo II.

En 638 os árabes fixéronse co control da cidade ata que os cruzados a conquistaron no 26 de maio de 1104, dándolle o nome de San Xoán de Acre. Reconquistada por Saladino no 1187, cercada sen éxito por Guy de Lusignan no 1189, e de novo conquistada por Ricardo Corazón de León no 1191. Convertida en capital do que quedaba do Reino de Xerusalén. En 1229 foi posta baixo o control dos Cabaleiros Hospitalarios. No ano 1291 os mamelucos conquistan a cidade.

En 1517 captúraa Selim I para o Imperio Otomán, e a cidade entrou nun período de decadencia. A fins do século XVIII comeza a se recuperar baixo o goberno de Daher El-Omar, o sheikh local, o seu sucesor Jezzar Pasha, gobernador de Damasco, fortificouna. Napoleón cercou a cidade no ano 1799 durante dous ata que foi expulsado polos turcos, axudados por unha forza naval británica.

Dende 1918 os británicos gobernaron a cidade ata que en 1948 se integrou en Israel.

Galería de imaxes

•