Agana

A agana (Galium verum L.), tamén chamada callaleite, herba coalleira, herba da agana, herba do agano, herba do rodico, herba dos aganos, preseira, presoiro e rodesno, é unha planta orixinaria de Eurasia que medra en terreos secos, preto do mar.

Agana
Galium verum Carl von Linné 1753
Instancia de taxon
Subclase de Perenne planta herbácea
Categoría taxonómica especie
Taxon superior Galium
Nome curto G. verum
Nome común Agana Herba do rodicio Herba dos aganos Preseira Presoiro Herba do agano Herba coalleira Herba da agana Callaleite Rodesno
Características
Fonte de planta comestíbel
Uso planta medicinal Insecticida tintura
Área de distribución Pequín Tianjin Xinjiang Shanghai República Popular da China Tíbet
Clasificación taxonómica
Reino	Plantae
División	Magnoliophyta
Clase	Magnoliopsida
Orde	Gentianales
Familia	Rubiaceae
Xénero	Galium
Especie	G. verum
Identificadores Freebase /m/084dz5 UNII 61UDD4NUNZ ITIS 34936 OTT 541023
Fontes e ligazóns  Descrito pola fonte Flora Reipublicae Popularis Sinicae, volume 71(2) (en) pp. 266 The Domestic Encyclopædia; Or, A Dictionary Of Facts, And Useful Knowledge "Domestic Encyclopædia (1802)/Cheese Rennet (en) "
Wikidata G:Commons C:Commons

Descrición

É unha planta anual herbácea con rizoma moi ramificado, caule ergueito, de sección cadrada e altura moi variábel, desde 5 a 120 cm (ordinariamente, de 20 a 70 cm), con follas, estreitas e lanceoladas, agrupadas en verticilos de 4-12 follas, e flores pequenas, cruciformes, de cor amarela brillante, agrupadas en densos acios terminais, que desprenden un aroma agradábel, semellante ao do mel. En Galicia pódese ver especialmente nas montañas do interior.

Propiedades

• Sedante dixestivo.
• Empregouse en medicina popular para disolver cálculos renais.
• Tense recomendado para tratar a epilepsia.^[1]
• Dioscórides escribiu que sandaba as queimaduras de lume.
• As flores usáronse como tinguidura para poñer os cabelos louros.
• Foi empregada para callar o leite no proceso de elaboración do queixo, ao que se deben algúns dos seus sinónimos populares
• No pasado reenchíanse os colchóns coas súas flores para que o olor das mesmas mataran, supostamente, as pulgas.

Taxonomía

Galium verum foi descrita por Linneo e publicada en Species Plantarum 1: 107, no ano 1753.^[2]

Sinonimia

• Asterophyllum galium Schimp. & Spenn. in F.C.L.Spenner (1829).
• Rubia vera (L.) Baill. (1880).
• Galium verum var. typicum Rouy in G.Rouy & J.Foucaud (1903), nom. inval.
• Galium verum subsp. euverum Hyl. (1945), nom. inval.^[3]
• Galium glabratum Klokov.
• Galium verum subsp. praecox (K.H.Lang) Petr.
• Galium verum subsp. verum
• Galium verum subsp. wirtgenii (F.W.Schultz) Oborny.^[4]