Agosto

Agosto é o oitavo mes do ano no calendario gregoriano e ten 31 días. Foi nomeado na honra do emperador romano Octavio Augusto (Octavianus Augustus). Anteriormente o mes tiña o nome de Sextilis, pois era o sexto mes do ano romano que empezaba en marzo, mais foi renomeado por ser o mes no que morreu Cleopatra.

<<	Agosto					>>
Lu	Ma	Mé	Xo	Ve	Sá	Do
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30	31
2025 Todos os días

Agosto ilustrado no libro de horas Les Très Riches Heures du Duc de Berry, manuscrito do século XV.

En Galicia recibe tamén o nome de mes da Nosa Señora, por celebrarse o día 15 o día de Santa María.

Festas e celebracións

• O primeiro venres de agosto celébrase o Día Internacional da Cervexa.^[1]
• O terceiro sábado de agosto celébrase o Día Internacional do Animal sen Fogar.^[2]

Agosto na cultura popular

Artigo principal: Agosto na cultura popular galega.

A lúa crecente de agosto é a mellor para que aproveiten os baños a un enfermo.

Santa Clara (11 de agosto) é avogosa para o bo tempo. Por iso, para asegura-lo sol no día da voda é costume levar ovos a Santa Clara. Tamén se lle pide que interceda para conseguir boas notas nos exames.