Alfonso Couce Doce

José Alfonso Couce Doce, nado en Ferrol en 1928 e finado na mesma cidade o 1 de setembro de 2015, foi un forense e político galego.^[1][2]

Alfonso Couce Doce

Biografía
Nacemento	1928 Ferrol, España
Morte	1 de setembro de 2015 (86/87 anos) Ferrol, España
Alcalde de Ferrol
1987 – 8 de setembro de 1989 (moción de censura) ← Xaime Quintanilla Ulla – Manuel Couce Pereiro →
Actividade
Ocupación	político, forense
Partido político	Alianza Popular
Premios
(2000)  Commander with Star of the Order of Civil Health (en)

Traxectoria

Médico forense de profesión, xa durante a ditadura franquista foi concelleiro do Concello de Ferrol. Nas eleccións municipais de 1987 foi cabeza de lista de Alianza Popular en Ferrol e fíxose coa alcaldía, con Arsenio Fernández de Mesa como primeiro tenente de alcalde. Porén, o 8 de setembro de 1989 unha moción de censura apoiada polo PSOE, Izquierda Unida, un concelleiro do CDS e outro concelleiro tránsfuga popular arrebatoulle o cargo e pasou a ser alcalde o seu curmán, o socialista Manuel Couce Pereiro. O 18 de abril de 2000 recibiu unha encomenda de prata da Orden Civil de Sanidad. Faleceu en Ferrol o 1 de setembro de 2015 aos 87 anos.^[1][2][3][4]