Angüiliformes
From Wikipedia, the free encyclopedia
Remove ads
Os Angüiliformes (Anguilliformes) son unha orde de peixes teleósteos, da superorde dos elopomorfos (Elopomorpha), caracterizados por teren o corpo de forma alongada que semella o dunha serpe, e que reúne especies tanto mariñas como de río.
Aparecen por primeira vez no rexistro fósil durante o Cretáceo medio.
O nome da orde procede do latín anguilla, que significa anguía (e que é o nome do xénero tipo, Anguilla) e o sufixo do latín científico -iformes, "en forma de"; é dicir, literalmente, "os [peixes] que teñen forma de anguía".
A orde inclúe especies de tanto valor comercial como as anguías, as moreas e os congros.
Remove ads
Características
Presentan un corpo tipicamente moi alongado, serpentiforme (morfoloxía á que debe o nome do grupo). Adoitan teren a pel núa, sen escamas, e cando as teñen son de tipo cicloide, e están embebidas na pel.[2][3]
A abertura das branquias adoita ser moi estreita e desprazada no corpo cara a atrás; os maxilares posúen dentes ben formados en toda a boca. Todos teñen vexiga natatoria..[2][3]
Carecen de aletas pelvianas e mesmo do esqueleto no que se basearían estas aletas. As aletas pectorais tamén faltan nalgunhas especies e, aquelas que as presentan, téñenas en posición moi alta.
As aleta dorsal e anal adoitan estaren unidas á caudal, que é pequena e con raios curtos.[2][3]
Remove ads
Clasificación
Divídense en tres subordes cun total de 15 familias:[4]
- Suborde Anguilloidei
- Familia Anguillidae
- Familia Heterenchelyidae
- Familia Moringuidae
- Suborde Muraenoidei
- Familia Chlopsidae
- Familia Muraenidae
- Familia Myrocongridae
- Suborde Congroidei
- Familia Colocongridae
- Familia Congridae
- Familia Derichthyidae
- Familia Muraenesocidae
- Familia Nemichthyidae
- Familia Nettastomatidae
- Familia Ophichthidae
- Familia Serrivomeridae
- Familia Synaphobranchidae
Remove ads
Notas
Véxase tamén
Wikiwand - on
Seamless Wikipedia browsing. On steroids.
Remove ads