Anguis cephallonica

Anguis cephallonica é unha especie de réptil da orde dos escamosos, familia dos ánguidos e subfamilia dos anguinos,^[2] unha das cinco integradas no xénero Anguis.^[3]

Anguis cephallonica
Estado de conservación
Case ameazada[1]
Clasificación científica
Reino: Animalia Filo: Chordata Subfilo: Vertebrata Clase: Reptilia Orde: Squamata Suborde: Lacertilia Familia: Anguidae Subfamilia: Anguinae Xénero: Anguis Especie: A. cephallonica
Nome binomial
Anguis cephallonica Werner, 1894
Área de distribución de Anguis cephallonica Área de distribución de Anguis cephallonica

Taxonomía

Descrición

A especie foi descrita en 1894 polo zoólogo e explorador austríaco Franz Werner,^[2] no seu traballo "Die Reptilien- und Batrachierfauna der jonischen Inseln". Verhandlungen der Kaiserlich-Königlichen Zoologisch-Botanischen Gesellschaft in Wien 44: 225–237.^[4]

Sinónimos

Ademais de polo nome actualmente válido, a especie coñeceuse tamén polos sinónimos:^[4][5]

• Anguis fragilis var. cephallonica Werner, 1894
• Anguis fragilis peloponnesiacus Stepanex, 1937
• Anguis fragilis fragilis Wermuth, 1969
• Anguis fragilis peloponnesiacus Bischoff & Bischoff, 1980
• Anguis fragilis peloponnesiacus Meyer, 1985
• Anguis cephalonnicus Grillitsch & Cabela, 1990 (incorrecto gramaticamente)^[6]
• Anguis cephallonicus Engelmann et al., 1993 (incorrecto gramaticamente)
• Anguis cephallonicus Arnold, 2002 (incorrecto gramaticamente)
• Anguis cephalonicus Rutsche et al., 2005 (incorrecto gramaticamente)
• Anguis cephallonicus Trapp, 2007 (incorrecto gramaticamente)
• Anguis cephallonicus Kwet & Trapp, 2014 (incorrecto gramaticamente)

Nota taxonómica

Esta especie foi considerada idéntica á súa curmá Anguis fragilis ou como subespecie desta última, co nome de Anguis fragilis peloponnesiacus. Hoxe en día considérase unha especie separada.^[7][8]

Distribución e hábitat

Endémica de Grecia,^[5] a especie encóntrase no Peloponeso, e nas illas de Cefalonia e Zante.

Os seus hábitats naturais son os bosques e matogueiras temperadas, as zonas de vexetación arbustiva de tipo mediterráneo, as praderías, pastos, as terras cultivadas e os xardíns rurais.^[1]

Estado de conservación

A Unión Internacional para a Conservación da Natureza e dos Recursos Naturais cualifica o status deste especie como NT (case ameazada) porque a súa área de distribución probabelmente non sexa moito maior de 20 000 km², e está perseguida e suxeita a outras ameazas como os incendios, o que fai que a estea preto de cualificala como vulnerábel.^[1]