Anguis graeca

Anguis graeca é unha especie de réptil da orde dos escamosos, familia dos ánguidos e subfamilia dos anguinos,^[1] unha das cinco comprendidas dentro do xénero Anguis.^[2][3]

Anguis graeca
Anguis graeca fotografada no Epiro
Clasificación científica
Reino: Animalia Filo: Chordata Subfilo: Vertebrata Clase: Reptilia Orde: Squamata Suborde: Lacertilia Familia: Anguidae Subfamilia: Anguinae Xénero: Anguis Especie: A. graeca
Nome binomial
Anguis graeca Bedriaga, 1881
Sinonimia
Véxase o texto

Taxonomía

Descrición

A especie foi descrita en 1881 polo zoólogo ruso, especializado en réptiles, Jacques von Bedriaga.^[4] no seu traballo "Die Amphibien und Reptilien Griechenlands". Bulletin de la Société impériale des naturalistes de Moscou, 56 (1): 242–310 (Ver texto íontegro) e (2): 278-344 (Ver texto íntegro).

Etimoloxías

Para a do xénero, ver Anguis.

O epíteto específico, graeca, fai referencia á súa principal área de distribución.

Sinónimo

• Anguis fragilis var. graeca.^[5]

Distribución

Distribución das especies de Anguis en Grecia^[6] (Ver texto completo).

Esta especie distribúese por Grecia e Albania.^[3][4]

Características

Anguis graeca é moi semellante a Anguis fragilis (inicialmente Bedriaga describiuna como Anguis fragilis var. graeca). Caracterízase polo seu corpo alongado e sen patas. Ás veces pódese ver na cabeza unha pequena abertura do oído externo. No corpo xeralmente hai de 26 a 28 fileiras lonxitudinais de escamas. Os machos son de cor agrisada, parda clara ou parda avermellada nas partes superiores; algúns espécimes presentan pequenas manchas de cor azul escura no dorso. As femias teñen as partes superiores de cor parda clara, que destaca dos flancos escuros; polo xeral, unha liña escura atravesa lonxitudinalmente o medio do corpo, que tamén pode aparecer como unha fina liña dupla. Os animais inmaturos son moi claros polas partes superiores, e de cor abrancazada ou amarelada pálida, dourada ou gris prateada, e cunha liña central estreita de cor parda amourada; a miúdo hai unha mancha parda escura en forma de lágrima na cabeza.^[7]

No norte do Peloponeso, esta especie convive Anguis fragilis, da que se pode distinguir por unha liña lonxitudinal irregular na parte frontal do corpo, a abertura do oído xeralmente non é visíbel desde o exterior e o número de fileiras lonxitudinais de escamas é tipicamente menor (24-26).