Apiano

Apiano (en latín Appianus Alexandrinus e en grego Αππιανός Αλεξανδρεύς), ás veces citado como Apiano de Alexandría, nado en Alexandría circa o 95 e finado circa o 165,^[1] foi un historiador romano de orixe grega, que viviu durante os gobernos de Traxano, Hadriano e Antonino Pío.

Apiano

Biografía
Nacemento	c. 95 Alexandría, Exipto
Morte	c. 165 (69/70 anos) Roma, Italia
Procurador
Actividade
Campo de traballo	Historia, función pública e actividade literaria
Ocupación	historiador, avogado, escritor, funcionario
Período	Alto Imperio Romano
Obra
Obras destacables Roman History (en)
Descrito pola fonte	Grande Enciclopedia Soviética (1926—1947) Paulys Realenzyklopädie der klassischen Altertumswissenschaft Dictionary of African Biography,

Traxectoria

Naceu arredor do ano 95 d.C en Alexandría (hoxe en Exipto). El mesmo conta que logo de cumprir diversas maxistraturas na provincia de Exipto, recalou en Roma cara ao 120, onde exerceu a avogacía, mantendo casos perante os emperadores. No 147 exerceu como procurador, posibelmente en Exipto mesmo, por recomendación do seu amigo Marco Cornelio Frontón. Este cargo de procurador só podía ser exercido por membros da clase, ou ordo, ecuestre.

Obra

A súa obra, Ῥωμαϊκά, coñecida como Historia Romana, en 24 libros (dos cales só 10 están completos) escrita en grego antes do ano 165. Neles, inclúese a historia de Iberia​ cun carácter etnográfico,​ e tamén deixou noticias sobre as guerras celtiberas e a conquista de Numancia (libro VI: De rebus Hispaniensibus).

Son máis ben unha colección de monografías que unha historia cohesionada. Nela efectúa unha narración sobre diversos pobos e territorios, desde as súas orixes ata a súa incorporación a Roma, rematando na morte de Traxano. Algúns dos libros completos e considerábeis fragmentos da obra chegaron até nós. Pese á falta de atractivo do seu estilo, a obra é valiosa, especialmente no que se refire ao período das guerras civís.

Historia Romana de Apiano (impresa en Venecia en 1477 por Erhard Ratdolt).

Volume	Título en latín	Argumento	Estado actual
I	De regibus Romanorum	Monarquía romana	Fragmentos
II	De rebus Italicis	República romana. A expansión romana en Italia (496-275 a. C.)	Fragmentos
III	De rebus Samniticis	Guerras samnitas	Fragmentos
IV	De rebus Gallicis	Guerra das Galias	Fragmentos
V	De rebus Siculis et reliquarum insularum	Conquista romana de Sicilia e das illas	Fragmentos
VI	De rebus Hispaniensibus	Conquista de Hispania	Completo
VII	De bello Annibalico	Segunda guerra púnica	Completo
VIII	De rebus Punicis et De rebus Numidicis (appendix)	Tercera guerra púnica e guerra de Iugurta	Completo
IX	De rebus Macedonicis et De rebus Illyricis (appendix)	Guerras macedónicas e guerras ilíricas	Fragmentos
X	...	Guerra en Asia e Grecia	Perdido
XI	De rebus Syriacis	Guerra romano-siria	Completo
XII	De bello Mithridatico	Guerras mitridáticas	Completo
XIII	De bellis civilibus Lib. I	Primeira guerra civil da República romana	Completo
XIV	De bellis civilibus Lib. II	Segunda guerra civil da República romana	Completo
XV	De bellis civilibus Lib. III	Batalla de Mutina	Completo
XVI	De bellis civilibus Lib. IV	Tercera guerra civil da República romana	Completo
XVII	De bellis civilibus Lib. V	Guerra de Perusia e guerra contra Sexto Pompeio	Completo
XVIII	...	Guerra en Exipto I	Perdido
XIX	...	Guerra en Exipto II	Perdido
XX	...	Guerra en Exipto III	Perdido
XXI	...	Guerra en Exipto IV	Perdido
XXII	...	Guerra do Imperio	Perdido
XXIII	...	Guerras dacias	Perdido
XXIV	....	Conquista de Arabia de campañas párticas de Traxano	Fragmentos