Apodininos

A dos apodininos (Apodini) é unha tribo de aves da subclase das neornites, infraclase dos neognatos (clado dos cipselomorfos), orde dos apodiformes, familia dos apódidos e subfamilia dos apodinos.^[1]

Apodininos Apodini
Tachymarptis melba
Clasificación científica
Reino: Animalia Filo: Chordata Subfilo: Vertebrata Clase: Aves Subclase: Neornithes Infraclase: Neognathae (sen clasif.): Cypselomorphae Orde: Apodiformes Familia: Apodidae Subfamilia: Apodinae
Xéneros
Véxase o texto

Taxonomía

Etimoloxía

O nome científico Apodini está formado, como é a norma, pola raíz do nome do seu xénero tipo, Apus coa adición do sufixo do latín científico -ini, propio dos nomes das tribos de animais.

Nome en galego

En galego, como nalgunhas outras linguas románicas, como o castelán, o sufixo latino -ini adáptase como ininos para evitar a confusión que se produciría co nome da subfamilia, "apodinos", xa que adapación normal de Apodini sería igualmente "apodinos", como ocorre tamén, por exemplo, coa tribo dos felininos (Felini).

Xéneros

A tribo comprende os seguintes seis xéneros:^[1]

• Aeronautes (con 3 especies)
• Apus (con 17 especies)
• Cypsiurus (con 2 especies)
• Panyptila (con 2 especies)
• Tachornis (con 3 especies)
• Tachymarptis (con 2 especies)