Applications Technology Satellite 6

Applications Technology Satellite 6 ou ATS 6 foi un satélite artificial dos Estados Unidos adicado a probar novas tecnoloxías e lanzado o 30 de maio de 1974 mediante un foguete Titan IIIC desde o Centro Espacial Kennedy, en Florida, Estados Unidos.

Applications Technology Satellite 6
ATS-6 durante as probas de lanzamento.
Tipo	Demostrador tecnolóxico, comunicacións
Organización	NASA
Data de lanzamento	30 de maio de 1974[1][2][3][4]
Foguete portador	Titan IIIC[2][5]
Sitio de lanzamento	Centro Espacial Kennedy[2][6]
Obxectivo da misión	Demostración de novas tecnoloxías no espazo e comunicacións.[2]
NSSDC ID	1974-039A
Masa	930 kg[2][5]
Datos orbitais
Semieixo maior	41.691,1 km[1]
Inclinación	12,3 graos[1]
Apoapse	36.024,9 km[1]
Periapse	35.453,2 km[1]
v c e

Características

A misión principal de ATS-6 foi despregar unha antena direccionable de alta ganancia en órbita para proporcionar comunicacións mediante o sinal de televisión a receptores terrestres e medir e avaliar o funcionamento da antena.^[2]

Como misión secundaria, adicouse a realizar experimentos sobre control aéreo, comunicacións por láser e fotografado da Terra.^[2]

O satélite levaba a bordo un motor de ións de cesio para medir o seu pulo e a compatibilidade electromagnética con outros subsistemas da nave. O propulsor medía 8 cm de diámetro e foi deseñado para funcionar a 0,15 kW de potencia, proporcionando 4,5 mN de forza cun impulso específico de 6700 segundos. A voltaxe de entrada no motor era de 5600 voltios e a cantidade de propelente a bordo era de 3,6 kg. En probas previas en terra o récord de funcionamento era de 2614 horas. No ATS-6 o motor funcionou 92 horas debido á finalización prematura do experimento por problemas co sistema de alimentación do propelente.^[7]